Lucas 12:53 - Ke meupiya ne tudtul mekeatag ki Hisu Kristu

⁵³ Ke amey ne egkunterà dut te anak din ne meama, ne ini se anak din ne egkunterà dut te amey rin. Ne ke iney ne egkunterà dut te anak din ne meritan, ne ini se anak ne egkunterà dut te iney rin. Ne ke enuhang ne meritan ne egkunterà dut te ambey rin, ne ini se ambey ne egkunterà dut te enuhang din ne meritan.”

Lucas 12:53 ပူးပေါင်းရင်းမြစ်များ

Mateo 10:35

Su sabap te mibpengkayi a ne egkunterà ke menge anak ne meama dut te amey ran, ne egkunterà ke menge anak ne meritan dut te iney ran, ne egkunterà ke enuhang ne meritan dut te ambey ran,

Mateo 24:10

Ketà te arà ne hewii ne merakel se edlekà te kebperetiyaya ran kediey, ne ebpemeked-epesey ran wey ebpeul-uluhey ran diyà te ruen ketengdanen din.

Lucas 12:52

Igenat gunteani ne embiya ruen lelima ne telteleanak, ne ebpemekedsingey ke hinawa ran. Ne tetelu se egkunterà dut te deruwa, ne iring din ded dema ke deruwa ne egkunterà dut te tetelu mekeatag te keduma ran kediey.