Lucas 12:5 - Ke meupiya ne tudtul mekeatag ki Hisu Kristu

⁵ Ugaid, ne idtarem ku keniyu ke engkey se ikeandek niyu. Iyan niyu ikeandek ne Eleteala su kenà lawa niyu rà se egkepatey rin su ruen gehem din te kebpekeantug te himukud niyu riyà te apuy ne rakà. Uya, iyan niyu iya ikeandek sikandin.”

Lucas 12:5 ပူးပေါင်းရင်းမြစ်များ

Mateo 10:28

Ne kenà kew meandek dut te menge etew ne iyan dà egkepatey se lawa niyu, ugaid ne kenà dan ebpekepatey te himukud niyu. Ugaid ne iyan niyu ikeandek ne Eleteala, su kenà lawa niyu rà se egkepatey rin su ruen gehem din te kebpekeantug te himukud niyu riyà te apuy nerakà.

Mateo 25:41

“Ne ketà ne egkehiyan din ke menge etew kayi te egkehivang din te, ‘Sikiyu ne mibpenrewakan te Eleteala su nesuhat kew te sakit te hinawa rin, awà kew kayi te kediey! Pendiyà kew te apuy nerakà ne kenà egkeevukan ne impenehana ki Setanas ke datù te pekaid wey ke menge sakup din.

Mateo 25:46

“Tembù be,” ke si Hisus, “ini se menge etew ne ibpependiyà te apuy nerakà su edusaan te warà edtemanan din. Ne ini se menge metidtu ne ibpependiyà te surugà su ruen umur dan ne warà edtemanan din.”

Mateo 5:22

Ugaid ne igkahi ku keniyu te piya entei ne egkeepes te ruma rin ne egkesuhat dema te kukuman. Ne piya entei ne egkahi te ruma rin te, ‘Warà itungan nu!’ ne ebpeneheewitan sikandin diyà te punggus en dut te kukuman. Ne piya entei ne egkahi te ruma rin te, ‘Buneg ka ne warà rantek nu!’ ne dait ne ebpekednerakà sikandin.

Marcos 13:23

Tembù be idtarem ku ini,” ke si Hisus, “su apey niyu meingati te kenà pà ini egked-ulaula.”

1 Tiselunika 4:6

Tembù be uram kew su apey kew kenà ebpekedsalà diyà te menge ruma niyu su iring kayi ne egkepenggiekan niyu ke kevenar dut te ruma niyu. Su egketenuran niyu red te imbaag dey keniyu te piya engkey ne ed-ulaula te iring ketà ne edusaan dut te Eleteala ne Kerenan tew.

Hibruhanen 10:31

Ne mekeandekandek nevenar embiya ebpekepevayà ki te gehem te kukuman te Eleteala ne warà kemetayen din.

2 Pedro 2:4

Uya, benar ne edusaan te Eleteala sikandan su midusa rin ke menge etew rengan ne mid-ulaula te meraat. Su misan ke menge suluhuen din diyà te langit ne nekedsalà dengan ne warà din pedtedaya, ugaid ne in-antug din sikandan diyà te apuy nerakà ne ebekuen dan te sengkalì diyà te mermerusirem taman te ebpekeuma ke hewii te kedusa kandan te Eleteala.

Imperayag 14:7

Ne midlalag sikandin te merahing se egkahi te, “Edati niyu ke Eleteala wey deyua niyu ke gehem din su nekeuma en ke hewii te edtimbangen din ke menge ulaula rut te langun ne menge etew. Pengarap kew kandin ke midlimbag te langit, tanà, rahat wey menge wayig.”

Imperayag 15:4

Is Kerenan, sikuna ke ed-edatan wey edeyuen dut te langun ne menge etew su sikuna rà ke ed-ulaula te metidtu nevenar. Tembù be ke menge etew diyà te langun ne menge inged ne ed-uvey keykew ne ebpengarap, su impekita nu en kandan ke langun ne mid-ulaula nu ne metidtu nevenar.”

Imperayag 20:14

Neipus arà ne in-antug ke Kemetayen diyà te apuy nerakà wey arà se Ivayaan dema ne ed-ingaranan te Hades. (Ne ini se apuy nerakà ne ed-ingaranan te ikeruwa ne kemetayen.)