Lucas 12:32 - Ke meupiya ne tudtul mekeatag ki Hisu Kristu

³² “Sikiyu ini se menge edumdumaan ku,” ke si Hisus, “kenà kew meandek, su misan deisek kew rà ne ke Amey niyu riyà te langit ne egkiyug ne egkeratù kew dut te menge etew ne Edetuan din.

Lucas 12:32 ပူးပေါင်းရင်းမြစ်များ

Mateo 14:27

Ketà ne migkahi si Hisus kandan te, “Pedtihel kew te hinawa niyu su siaken ini! Kenà kew meandek!”

Mateo 20:16

“Ne migkahi pà maa si Hisus te, “Duen merakel ne menge etew ne mepurù se ketengdanan din guntaan ne ketà te akir din ne hewii ne sikandan ke pinekemevavà. Ne ruen merakel ne menge etew ne kevevaan guntaan, ne ketà te akir din ne hewii sikandan se pinekemepurù se ketengdanan din.”

Mateo 25:34

“Ne egkahi en ini se punggus ne ratù kayi te menge etew te egkekewanan din te, ‘Sikiyu ne mibehayan te keupianan dut te Eleteala ne Amey ku, ne lusud kew dut te Kedetuan te Eleteala ne impenehana keniyu igenat dut te kinelimbaha te kelibutan.

Mateo 7:15

“Uram kew dut te menge etew ne engkungkun ne ebpelambas te Lalag te Eleteala. Su ebpendiyà dan te keniyu ne iring te paras te bilibili ne meamuk, ugaid ne riyà te hinawa ran ne iring dan te mewalew ne asu ne ebpekekaid.

Lucas 10:21

Ketà ne hewii ne mibpehalew si Hisus dut te kedlumun te Kedesenan ne Ebpetuntul te menusiyà ne mideyù din ke Eleteala se egkahi te, “Ew Amà, sikuna ke Kerenan diyà te langit wey kayi rema te ampew te dunya. Dekelà se kebpeselamat ku kenikew su impayag nu ke ketau nu rut te menge etew ne warà egketùtuenan dan, ne in-eles nu ini se ketau nu rut te menge etew ne dekelà se netuenan dan. Uya, dekelà se kedeyù ku keykew, Amà, te ini se mid-ulaula nu su ini ke kiyug nu.”

Juan 18:36

Midtavak si Hisus te, “Ini se kedì ne edetuan ne kenà kayi te ampew te dunya, su embiya ma kayi ne mibpekibunù en ke menge sakup ku apey kenà a mesigkem te menge Hudiyanen. Ugaid ne ini se edetuan ku ne kenà kayi te ampew te dunya.”

Nenged-ulaula 20:28

Bentayi niyu,” ke si Pablo, “ini se ed-ul-ulaan niyu wey tugenura niyu ke langun ne menge etew ne mibperetiyaya ki Hisus ne insarig keniyu dut te Kedesenan ne Ebpetuntul te Menusiyà. Ed-iring kew te tumetuganur te menge bilbili ne edtugenuren niyu ke menge etew ne mibperetiyaya te Eleteala su sakup dan te Eleteala egenat te kebpebpatey te Anak din su sabap dut te menge salà dan.

Nenged-ulaula 20:29

Netuenan ku te embiya ed-ewaan ku en sikiyu ne ruen edlepew kayi te keniyu ne menge etew ne ederaat dan perem te kebperetiyaya niyu su iring dan te mewalew ne asu ne ebpemsuwey dut te menge bilbili.

Ruma 6:23

Su iyan bayad te kebpekedsalà ne kemetayen ne warà edtemanan din, ugaid ne iyan ibehey te Eleteala rut te menge etew ne mibperetiyaya ki Hisu Kristu ke Kerenan tew ne umur ne warà edtemanan su sabap dut te pengelimuan din ne imbehey rin dà dè duen.

1 Kurintu 1:21

Su ayan ne menge ketau te itungan ne kenà ayan ke ralan ne kegkesebuti tew te Eleteala. Ugaid ne ke puunan te ralan te kegkeriweswasi tew te Eleteala ne riyà ded ebpuun te kandin ne eturan. Ini se eturan din ne ebpekepeliyu keytew atag dut te kebperetiyaya tew rut te Meupiya ne Tudtul ne impemesabut dey, misan ini se impemesabut dey ne warà kun rantek din.

Pilipus 2:13

Su ke Eleteala ne ed-ubpà diyà te hinawa niyu ne edtavang keniyu, su sikandin se ebehey keniyu te kiyug te ebperumaruma kandin wey ke baher te kedtuman ketà.

2 Tiselunika 1:11

Tembù be layun dey ibpengeningeni sikiyu diyà te Eleteala su apey ke ulaula niyu te keduma ki Hisu Kristu ne edait dut te menge etew ne mibpemilì te Eleteala. Ne ebpengeningeni key rema te ibpepevayà rut te gehem te Eleteala ne edtevangan kew su apey ebpekegaga kew te edtuman te misan engkey en ne meupiya ne ulaula ne egkiyuhan niyu wey langun ne ed-ul-ulaan ne nerudsuan niyu mekeatag dut te kebperetiyaya niyu ki Hisus.

2 Tiselunika 1:5

Ne ke kedtigker niyu te keresayan ne iring ketà ne arà se egkevaluy kew ne edait te ebpekeamung kew dut te Edetuan te Eleteala, ne edusaan din ini se ebpekesakit keniyu. Ketà be ne egkekita ke metidtu ne kegkukum te Eleteala.

Hibruhanen 12:28

Engketà be ne ebpeselamat ki te Eleteala su ebpekeamung ki kandin te edatù ketà te behu ne dunya ne kenà egkevinasa taman te taman. Ebpeselamat ki wey ed-erapen tew ke Eleteala dut te ulaula ne ebpekesuhat te hinawa rin. Ne ed-edatan tew sikandin ne iduma se kegkeandek,

Santiago 2:5

Na menge suled ku ne igkelimù ku, pemineg kew kayi te egkehiyen ku. Misan ke kearen dut te menge ayuayu kayi te ampew te dunya ne reisek dà, ne sikandan dema iya ke menge etew ne nepemilì te Eleteala su apey ke sarig dan kandin ne edekdekelà, ne sikandan dema se edlusud dut te Edetuan din su ini se impasad din dut te langun ne egkelimù kandin.

2 Pedro 1:11

Ne embiya iring ketà, ne Eleteala se egalàhalà keyta ketà te kedtelimà din keyta te edlusud dut te Edetuan ni Hisu Kristu ke Kerenan tew ne mibpeliyu keytew. Ne ini se Edetuan din ne warà edtemanan din.

Imperayag 1:6

Ne nekelusud ki rut te edetuan din wey mibaluy ki nikandin ne iring te menge terebpelengesa su apey egelevek ki rut te egkiyuhan te Eleteala ne amey rin. Tembù be iyan meupiya ne edeyuen sikandin ne edatù sikandin te warà kegkepupus din. Egketuman ini.

Imperayag 22:5

Warè en kerukileman ketà ne warè en atag dut te sulù etawa rayag te andew, su ke raman dut te Kerenan ne Eleteala se ebpekerayag kandan. Ne edatù dan duma kandin taman te taman.