Lucas 12:20 - Ke meupiya ne tudtul mekeatag ki Hisu Kristu

²⁰ “Ugaid ne migkehiyan sikandin te Eleteala te ‘Merupangdupang ka nevenar! Ini rà ne kerukileman ne kayi rà taman se ked-ubpàubpà nu kayi te ampew te dunya. Ne engkey ve vuwa se kemuney keniyan te kearen ne intahù nu?’”

Lucas 12:20 ပူးပေါင်းရင်းမြစ်များ

Lucas 11:40

Menge warà eperu niyu!” ke si Hisus. “Maa, warà niyu metueni te kenà iyan dà midlimbag te Eleteala ke egkekita kayi te lihewangan su misan ini se kayi te lusud ne kenà egkekita ne midlimbag din ded dema.

1 Tiselunika 5:3

Su ketà te hewii te kedlived ni Hisus ne iyan itungan te menge etew ne ebmelinew se ked-ubpà dan ne warà igkeuru ran. Ugaid ne egketekew ne ebpekeuma ke kegkereeti kandan ne warà ralan te kebpekeliyu ran. Su ke kebpekeuma dut te kegkereeti kandan ne iring te egketekew ne ebpekeuma ke belilit te meritan ne ed-anak.

1 Timoteo 6:17

Na Timoteo, kehiyi nu ke menge etew ne kewasa te kenà dan ibpereyùdeyù, ne kenà dan serihi ke kekewesai ran su ini ne edsahad dà. Ugaid ne iyan dan serihi ne Eleteala su ebehayan kiyu nikandin te pengelimuan din ne sesangan apey ki egkehalew.

1 Timoteo 6:7

Su pehaney en te kinehemew tew kayi te ampew te dunya, ne warà en iya nerimbitrimbit tew misan deisek dà. Ne engketà ded maa ke ebpatey kiyu en, warà en iya deisek dà ne egketapik tew.

Santiago 4:14

Kurang kew pà te pegitungan niyu, su warà etew ne raan din en ne egketuenan ke engkey se egketemanan din keremà. Su ke umur tew kayi te ampew te dunya ne edsahad dà su iring dut te sehulapun ne egkekita te mehaan ne iseg-iseg dà ne warà en.