Lucas 12:14 - Ke meupiya ne tudtul mekeatag ki Hisu Kristu

¹⁴ Migkahi si Hisus te, “Ey, Mama, warà kewagib ku te egkukum keniyu, ne warà kewagib ku te ebaad ketà te aren ne intavun te amey nu.”

Lucas 12:14 ပူးပေါင်းရင်းမြစ်များ

Lucas 12:13

Duen senge etew ne meama ketà te nevurun se migkahi diyà te ki Hisus te, “Meyterù, kehiyi nu ke kakey ku te ebpeumunan a dut te aren ne intavun te amey rey.”

Lucas 22:58

Neiseg-iseg ne ruen en maa senge etew ne nekekita ki Pedro ne migkahi te, “Benar iya ne ruma ke red ketà te nesigkem.” Ne migkahi si Pedro te, “E Mama, kenà.”

Lucas 5:20

Guna su netuenan ni Hisus te rekelà ke sarig dan kandin ne migkehiyan din ke ederaru te, “Mama, nepesehad en ke keberedusaan nu.”

Juan 6:15

Netuenan ni Hisus se mid-uvey ran kandin su ebeelan dan sikandin ne ratù dan misan kenà egkiyug sikandin. Tembù be mid-ewaan dan ni Hisus ne midtekereg diyà te buvungan te sikandin dà.

Juan 8:11

“Warà en, Mama,” ke se meritan. “Na,” ke si Hisus te, “siak dema ne warà id-isuhat ku keykew ne kewagib. Ulì ke en be ugaid ne kenà ke en maa baal te meraat ne ulaula.”]

Ruma 2:1

Na sikiyu ne ed-isuhat dut te ruma ne menge etew ne ed-ulaula te meraat iring ketà ne med-uram kew. Warà kevenar niyu te ed-isuhat kandan su kenà egkepakey ne egkahi kew te warà salà niyu. Su embiya ed-isuhat kew kandan, ugaid ne mid-ulaula kew te meraat iring dut te mid-ulaula ran, ne timbang te sikiyu red se nesuhat elin kandan.

Ruma 2:3

Ugaid ne sikiyu, menge suled, ne ed-ulaula kew red dema te mereatey iring dut te id-isuhat niyu te ruma ne menge etew, tembù be kunaan niyu ke ebpekeliyu kew rut te kedusa te Eleteala keniyu.

Ruma 9:20

Ugaid ini se egkehiyen ku keniyu ne maa, egkepakey ve te sikitew ne midlimbag dà te Eleteala ne ebpenavak kandin? Embiya idsempità ta te midiyun ne kuren, ne engkey, egkepakey ne egkahi ke kuren te, “Meambe ke iring kayi se kineriyuna nu kedì?”