Lucas 11:39 - Ke meupiya ne tudtul mekeatag ki Hisu Kristu

³⁹ Ne migkahi si Hisus kandan te, “Sikiyu ne menge Peresiyu, iring kew te menge basu wey pelatu ne migkulisungan su apey melinis kew kayi te egkekita, ugaid ne kayi te diralem niyu ne meredsik su nepenù te kegkeeram-am wey kereatey!

Lucas 11:39 ပူးပေါင်းရင်းမြစ်များ

Mateo 15:19

Su ini se neketahù te hinawa rin ke ebpuunan te meraat ne itungan ne ebpekepeneheewit kandin te meraat ne ed-ul-ulaan iring te ked-imatey, kedlangkadlangkad te esawa rin, ne ruma pà ne meredsik ne ed-ul-ulaan, kebpenakew, kedtarùtarù wey kedlalag te ebpekereraat te pekinegan te ruma ne etew.

Mateo 7:15

“Uram kew dut te menge etew ne engkungkun ne ebpelambas te Lalag te Eleteala. Su ebpendiyà dan te keniyu ne iring te paras te bilibili ne meamuk, ugaid ne riyà te hinawa ran ne iring dan te mewalew ne asu ne ebpekekaid.

Lucas 16:15

Ne migkahi si Hisus kandan te, “Sikiyu ne engkungkun ne menge metidtu kew kayi te sineruwan te menge etew, ugaid ne netuenan te Eleteala ke netahù te hinawa niyu. Su ini se rekelà te hinawa te menge etew ne warà pantag din diyà te etuvangan te Eleteala.

Lucas 7:13

Nekita ni Hisus ke iney rut te minatey ne neyru nevenar sikandin ne migkahi en te, “Kenà ka edsinehew, Ayà.”

Lucas 7:19

ne midsuhù din diyà te ki Hisus te ebpeinsà kandin te, “Menu, sikuna ke impesabut ni Juan ne ibpepengkayi te Eleteala etawa ruen duma pà ne egkepenareng dey?”

Juan 12:6

Kenà iyan din kinekahi te iring ketà ne ke kegkeyru rin dut te menge ayuayu, ugaid ne tekawen sikandin. Su sikandin ke ebpetugenuren dut te edtehuan te kureta en ni Hisus, ugaid ne ebpengpenguan din mulà.

Juan 13:2

Guna su meapun en ne edlavung pà ensi Hisus wey ke edumdumaan din, ne neketahù en si Setanas ke datù te pekaid diyà te itungan ni Hudas ke anak ni Simon Iskeriyuti te ed-ulug ki Hisus.

Nenged-ulaula 5:3

Ne migkehiyan sikandin ni Pedro te, “Ananias, meambe ke midtuhut ka ne ke datù te pekaid se ebayàbayà te hinawa nu su midtarùtarù ka rut te Kedesenan ne Ebpetuntul te Menusiyà? Su ruen intahak nu ne elehà dut te mibpasa nu ne tanà.

Gelasiya 1:14

Diyà te menge ruma ku ne Hudiyanen ne iring ku te kenguwed, ne warà repeng ku se kedtanud din te penduan ne intahak ni Moises keytew. Su pinelavi ku te menge ruma ku se kedtuman te betasan dut te keep-epuan dey.

2 Timoteo 3:5

Engkungkun ne mibperetiyaya ran te Eleteala ugaid ne kayi rà te ampew su kenà dan ebperetiyaya te ruen gehem te Eleteala. Na pekeriyù ka te menge etew ne iring ketà.

Tito 1:15

Su embiya mibmelinis en te Eleteala ke hinawa te etew, ne langun ne melinis diyà te kandin. Ugaid ne ke etew ne warà pà mibmelinis se hinawa rin te Eleteala su warà pà mibperetiyaya, ne warà dema melinis diyà te kandin su ruen meraat ne netahù te hinawa wey itungan din ne kenà din egketuenan ke engkey se meupiya wey meraat.

Santiago 4:8

Embiya ed-uvey kew te Eleteala, ne iring ded dema ketà ke ked-uvey rin keniyu. Sikiyu ne mekesesalà, ne engkeri niyu ke ed-ul-ulaan niyu ne meraat. Ne sikiyu ne asal-asal dà ne ebperetiyaya, ne peketidtuwa niyu ke hinawa niyu te kebperetiyaya.