Lucas 10:6 - Ke meupiya ne tudtul mekeatag ki Hisu Kristu

⁶ Embiya ruen ketà te valey ebperetiyaya wey egalàhalà keniyu ne dekelà se penaub te Eleteala kandan. Ugaid ne embiya kenà kew ran egelhelaan ne kenà edlaus kandan ke kebpenaub te Eleteala.

Lucas 10:6 ပူးပေါင်းရင်းမြစ်များ

Lucas 10:5

“Ne piya engkey ki baley se egkepemenayikan niyu ne penehetiat kew se egkahi te, ‘Menu ma ebpeneuven te Eleteala ke langun ne ed-ubpà kayi te valey ini!’

Lucas 10:7

Ubpà kew ketà te valey ne ruen migalàhalà keniyu taman te egkeuma ke ked-awà niyu ketà te inged dan. Kenà kew ed-arat-arat te ked-ubpà niyu. Ne telimaa niyu misan engkey se idsaru ran wey ibpeinum dan keniyu su mehelalew ran en keniyu. Su ke etew ne egelevek ne dait ne edsukayan.

Ipisu 5:6

Kenà kew ve imbe egkeekali keniyan ke ruen egkahi te ayan ne menge ulaula ne warà dà diyà te itungan te Eleteala su ebpeseharen din dà. Su ketà ebpuun ne menge ulaula ne ayan se menge etew ne warà meduma te Eleteala ne ed-isuhaten din su mid-ulaula ran ke igkeepes te Eleteala.

2 Tiselunika 3:16

Iyan dey egkiyuhan ne ke Kerenan tew ne si Hisu Kristu se ebehey te kebmelinew te hinawa niyu piya engkey se egketemanan niyu su sikandin se ebpuunan te itungan ne melinew. Ne dumai kew rema nikandin.

Santiago 3:18

Ne ini se meupiya ne ulaula ne ebpekesuhat te hinawa te Eleteala, iring arà dut te bahas dut te impemula te etew ne ebped-ulit te menge ruma rin su apey ke ked-ubpà dan ne merinew.

1 Pedro 1:14

Ne iyan iya se edtumanen tew ke kiyug te Eleteala su apey kenà ki en edlived dut te meraat ne kiyug te hinawa ta ne nelayaman tew rengan te warà ta pà metueni ke benar ne penurù te Eleteala.