Lucas 10:29 - Ke meupiya ne tudtul mekeatag ki Hisu Kristu

²⁹ Ugaid ne kenà egkiyug ini se meyterù te penduan ne egkepilayan te pengasak ne ketà ne mid-insà en maa te, “Engkey se ruma ku?”

Lucas 10:29 ပူးပေါင်းရင်းမြစ်များ

Marcos 8:34

Ne miburun en ni Hisus ke menge etew abpeg dut te menge edumdumaan din ne migkahi te, “Embiya ruen etew ne egkiyug ne eduma kediey ne iyan iya se pekelipati rin ke kandin ne kiyug, ne tianga rin ke kandin ne pinebelavag ne kayu ne ed-ingaranan te krus ne iyan din meana ne tumana rin ke menge suhù ku misan ibpatey rin pà se keduma rin kediey.

Lucas 10:36

Ne migkahi si Hisus ketà te meyterù te penduan te, “Endei rapit kayi te tetelu ne meama se meupiya ne ruma ketà te meama ne midruug te tulisan?”

Lucas 16:15

Ne migkahi si Hisus kandan te, “Sikiyu ne engkungkun ne menge metidtu kew kayi te sineruwan te menge etew, ugaid ne netuenan te Eleteala ke netahù te hinawa niyu. Su ini se rekelà te hinawa te menge etew ne warà pantag din diyà te etuvangan te Eleteala.

Ruma 10:3

Su warà dan metueni te ruen ralan ne mibeelan te Eleteala te kebmetidtu ran diyà te etuvangan din, ugaid ne mibaalvaal dan te kandan dà ne ralan ne warà dan telimaa ke ralan te Eleteala ne kebmetidtu ran.

Ruma 4:2

Su embiya iyan kedtengteng te Eleteala ki Abraham ne metidtu su sabap dut te meupiya ne ulaula rin, ne ruen kevenar din se ebpendantal. Ugaid ne kenà egkepakey te kebpendantal din su kenà kayi ebpuun te meupiya ne mid-ulaula rin se iyan kedtengteng te Eleteala kandin ne metidtu.

Gelasiya 3:11

Ketà be ne netuenan ta te warà senge etew rà ne metidtu diyà te etuvangan te Eleteala igenat te kinetuman din dut te penduan ni Moises. Su ruen impesurat ne Lalag te Eleteala ne egkahi te, “Ke etew ne egkevaluy ne metidtu riyà te etuvangan te Eleteala ne ke etew ne ebperetiyaya rut te Lalag te Eleteala, ne sikandin ne egkevehayan te umur ne warà edtemanan din.”

Santiago 2:24

Ketà ne nesebutan ta te ke etew ne metidtu diyà te etuvangan te Eleteala ne arà se etew ne eduma te lalag din. Su riyà te Eleteala ne arà se egkahi ki te ebperetiyaya ki ne kenà ebpekegaga embiya kenà egkekita kayi te ed-ul-ulaan tew.