Lucas 10:18 - Ke meupiya ne tudtul mekeatag ki Hisu Kristu

¹⁸ Ne migkahi si Hisus kandan te, “Nekita ku si Setanas ke datù te pekaid ne neulug diyà ebpuun te langit ne iring te kilat se kegkeulug din.

Lucas 10:18 ပူးပေါင်းရင်းမြစ်များ

Mateo 4:10

Ne migkahi si Hisus te, “Awà ka kayi, Setanas! Duen impesurat ne Lalag te Eleteala ne egkahi te, ‘Iyan niyu rà erapa ne Kerenan ne Eleteala niyu, ne sikandin dà se edsenguren niyu.’ ”

Juan 12:31

Ini en ke hewii te kegkukum te Eleteala te langun ne menusiyà kayi te ampew te dunya ne kunterà din. Egketalew en si Setanas ke datù te pekaid ne midatù kayi te ampew te dunya.

Juan 16:11

Ne ibpesabut din dema ke kedusai kandan te Eleteala su neisuhat en te kukuman si Setanas ke datù te pekaid ke unuten dan te egkunterà te Eleteala.”

Hibruhanen 2:14

Ayan se mid-ingaranan ni Hisus te menge anak te Eleteala ne sikitew red ne etew rà dè duen, tembù be mibpebaluy si Hisus ne etew iring kenitew. Mid-ulaula rin ini su apey rin egketalew ke datù te pekaid ne ed-ingeranan dema ki Setanas. Ne netalew rin sikandin ketà te kinepebpatey rin atag kenitew, su kayi te kinepatey rin ne in-awà din ke gehem dut te datù te pekaid te ed-ewit te menge etew riyà te kepepatey ne warà edtemanan din.

1 Juan 3:8

Ugaid ke etew ne idlaus din ke ked-ulaula rin te meraat, ne si Setanas ke datù te pekaid se ebayàbayà kandin su igenat dà te rudsuan din dà te ini se kelibutan ne iyan ed-ul-ulaan ni Setanas ne ke meraat. Tembù be mibpengkayi te dunya ke Anak te Eleteala su apey egketalew rin ini se gehem te ulaula ni Setanas.

Imperayag 20:2

Ne midsigkem din arà se rekelà ne tendayag arà se uled te rengdengani rà nevenar ne iyan ke datù te pekaid ne ed-ingaranan ki Setanas, ne migkedinaan din taman te sengivu ne rahun.

Imperayag 9:1

Na mibperiyup te budyung din ini se ikelima ne suluhuen te Eleteala ne iyan ku nekita ne iring te bituen te langit ne neulug diyà te tanà. Ne ruen imbehey kandin ne gunsì ne ibpuwas dut te liyang ne ebpependiyà te diralem te tanà ne warà edtemanan te keralem din.