Lucas 1:42 - Ke meupiya ne tudtul mekeatag ki Hisu Kristu

⁴² Ne ruen impekahi rin ki Maria ne mibmerahing ke suwara rin te nekepemensag sikandin su kegkehalew rin se egkahi te, “Warà idsan nu ne meritan ne midtuvaran te Eleteala ne iring kayi! Ne engketà ded se kedtuvari dut te egkeanak nu!

Lucas 1:42 ပူးပေါင်းရင်းမြစ်များ

Lucas 1:28

Nekeuma ke suluhuen te Eleteala riyà te ki Maria ne migkahi en te, “Na kehalew ka, Maria! Bebegian ka ne etew su kayi en ke Eleteala te kenikew.”

Lucas 1:41

Guna su nerineg ni Elisabet ke penehetiat ni Maria ne midwaleng ke vatà kayi te hetek din. Ne ke Kedesenan ne Ebpetuntul te Menusiyà se midlumun ki Elisabet.

Lucas 1:43

Maan buwa ke midekdekelà a te hinawa te Eleteala se iyan en ebpeengkayi te kedì ke iney rut te Kerenan ku?

Lucas 1:48

Su mibpemilì a nikandin ne edtuvaran din, misan engkayi te kevevaan a ne edsugsuhuen din. Igenat guntaani ne ini se kevuwaran, ne idtitinudtulà dan te siaken kun se midtuvaran te Eleteala dut te langun ne memeritan,

Lucas 19:38

Ke sikandan te, “Menu ma ke ebpeneuven te Eleteala ini se datù ne nekeuma su impepengkayi te Eleteala. Ne melinew en ke kebpekiduma tew te Eleteala, ne edeyuen tew ke Eleteala diyà te langit!”

Ruma 9:5

Ne ke kepuun dan ne mibpemilì te Eleteala ne mevantug ne etew rengan. Ne kayi ebpuun te kevuwaran dan ne in-anak si Hisu Kristu ke Eleteala ne ebayàbayà te langun, ne edait ne edeyuen taman te taman.

Hibruhanen 12:2

Ne kenà kiyu ebpenlingìlingì te keduma tew ki Hisus su sikandin ke ed-iringan tew su sikandin ke rudsuan te kedsarig tew wey sikandin ded ke edtemanan. Midtigkeran din en ke keresayen te kinelensanga kandin diyà te pinebelavag ne kayu, ne warà din ingkeyeyai te ked-imetayi ran kandin ketà su netuenan din te ruen igkehalew rin embiya egkeipus din ini se helevek din te ebpeliyu kenitew. Ne guntaani ne ebpepinuuwen en sikandin diyà te egkekewanan ketà te ebpinuuwan te Eleteala ne edatù.