Lucas 1:20 - Ke meupiya ne tudtul mekeatag ki Hisu Kristu

²⁰ Ne warà ke ma mibpehimbenar dut te migkahi ku, Zacarias,” ke se suluhuen te Eleteala, “ugaid ne egkeuma ke enget ne hewii ne egketuman imbe iya. Na geina te warà ka mibpehimbenar, ne egkeemew ka taman te egked-ulaula ini se migkahi ku.”

Lucas 1:20 ပူးပေါင်းရင်းမြစ်များ

Marcos 16:14

Ketepusan be ne mibpekita si Hisus dut te sepulù wey seveka ne edumdumaan din gewii te egkaan dan. Midseweyan din sikandan su kurang ke sarig dan ne merehen te hinawa ran te kebperetiyaya rut te lalag te menge etew ne nekekita kandin te nevanew en.

Marcos 9:19

Migkahi si Hisus te, “Sikiyu ne menge etew guntaan, warà kebperetiyaya niyu te Eleteala! Neuhet en se kebpekiduma ku keniyu, ne engkey pà taman te kebperetiyaya niyu? Engkey pà taman se keuhet din se kedtigkeri ku keniyu? Ipengkayi niyu ayan se vatà!” ke si Hisus.

Lucas 1:19

Migkahi ke suluhuen te Eleteala maa te, “Siak imbe si Gabriel ke suluhuen te Eleteala ne layun diyà te etuvangan din. Sikandin iya se midsuhù kedì su ebpeketuenan keykew ini se meupiya ne egked-ulaula.

Lucas 1:21

Ne ini se menge etew ne mibpulung midtahad ki Zacarias diyà te luwal, ne neinuinu ran su malù neuhet sikandin diyà te lusud te Nekebpuru ne Valey te Eleteala.

Lucas 1:22

Guna su midlihawang en si Zacarias ne kenà en ebpekekahi riyà te menge etew su ebpenguyew-uyew rè be ne ketà ne neemew en sikandin. Ne netuenan dut te menge etew te ruen en impekita kandin te Eleteala diyà te lusud te valey te Eleteala.

Lucas 1:45

Tembù be midtuvaran ka, Maria,” ke si Elisabet, “su mibperetiyaya ka te egketuman iya ke impesabut kenikew dut te suluhuen te Eleteala.”

Lucas 1:64

Arà dà iya ne nekelalag en si Zacarias ne nereyù din ke Eleteala.

Ruma 3:3

Ne benar ne ruen menge ruma rey ne Hudiyanen ne warà mebperumaruma te penduan te Eleteala. Ugaid ne kenà egketuen te wagib te kenà egkeserihan ke Eleteala te edtuman dut te impasad din dengan.

2 Timoteo 2:13

Ne misan ke itungan tew ne layun egkesembii, ne sikandin mulà ne egkeserihan nevenar su kenà edsalin sikandin dut te nekahi rin.

Tito 1:2

Elin dema ne insuhua kedì ne apey ran ebpekesabut te ruen ebpenerengen tew ne umur ne warà edtemanan din. Ini se umur ne warà edtemanan din ne impasad te Eleteala rengan ne kenà egketuen te wagib se edtarùtarù sikandin. Su impenehana ini neraan te Eleteala te warà pà melimbag ini se kelibutan,

Hibruhanen 6:18

Engketà be arà ne ruen deruwa ne ulaula te Eleteala ne kenà egkesembian te misan engkey en. Seveka ne ke impasad te Eleteala kenitew, ne ke ikeruwa ne impenendan din se kedtumana rin ketà impepevayà te ngaran din. Ne kayi te ini se deruwa ne mid-ulaula rin, ne netuenan tew te kenà din edsembian ke migkahi rin su ke Eleteala ne kenà teruen. Tembù be sikitew ne nekeaput en kandin, ne kenà meduwaruwa se itungan tew te kedtelimà tew rut te ebpenerengen tew kandin.

Imperayag 3:19

“‘Na ke langun ne menge etew ne igkelimù ku ne ebpenuruen ku, ne edusaan ku rema sikandan su apey ke ed-ul-ulaan dan ne ebmeupiya. Tembù be pedsendit kew ne engkeri niyu ke meraat ne ed-ul-ulaan niyu.