Lucas 1:2 - Ke meupiya ne tudtul mekeatag ki Hisu Kristu

² Iyan dan insurat ke nengeguhud kandan dut te menge etew ne nekekita en iya kayi te ned-ulaula igenat te rudsuan wey iyan dan dema mibpesabut te Lalag te Eleteala.

Lucas 1:2 ပူးပေါင်းရင်းမြစ်များ

Marcos 1:1

Ini ve ke Meupiya ne Tudtul mekeatag ki Hisu Kristu, ke Anak te Eleteala.

Marcos 16:20

Ne mid-ipanew en dema ini se menge edumdumaan din se ebpesabut dut te Meupiya ne Tudtul mekeatag kandin diyà te langun ne menge inged. Ne Eleteala se midtavang kandan su nekevaal dan te menge mekegeyip apey mekeperetiyaya ke menge etew te benar ini se ibpesabut dan.] [ (9) Mibpendiyà ke menge meritan te enki Pedro ne intarem dan ke langun ne nerineg dan. (10) Neipus ini ne pineipanew ni Hisus ke menge edumdumaan din egenat te edsilaan ne ebpependiyà te edsenlepan su ebpesabut dan te berekat ne lalag mekeatag te umur ne warà edtaman din.]

Marcos 4:14

Su iyan ku midsempitaan ketà te etew ne edsawed te benì ne ke etew ne ebpemenudtul dut te Lalag te Eleteala.

Lucas 24:48

Su geina te nemetmetaan niyu en,” ke si Hisus, “te netuman en ini kayi te kedì, ne sikiyu en ke edtitihus.

Juan 15:27

Ne ebpesabut kew rema mekeatag kediey su igenat te rudsuan te kinepenurù ku kayi te ampew te dunya ne telteleduma kiyu en.”

Juan 16:4

Ugaid ne egkehiyen ku ve ini keniyu neraan,” ke si Hisus, “su embiya egked-ulaula en ini ne egketenuran niyu te ingkekahi ku en keniyu. Ini ne warà ku kehiya keniyu te aney en,” ke si Hisus, “su geina te ebpemekeduma kiyu pà.”

Nenged-ulaula 1:3

Guna su mid-imetayan sikandin ne nevanew en maa ne mibpekitakita sikandin dut te menge kedserihan din. Ne merakel ne tuus ne impekilala rin kandan su titihus te biviyag en sikandin. Su lusud te epat nepulù ne hewii ne kemerakel sikandin mibpekitakita kandan wey mibpengasak sikandin mekeatag dut te Kedatù te Eleteala.

Nenged-ulaula 1:8

Ugaid ne embiya ebpekeuma en kayi te keniyu ke kedlumun dut te Kedesenan ne Ebpetuntul te Menusiyà,” ke si Hisus, “ne ebpeketelimà kew en te gehem ne sikiyu en ke ebpesabut mekeatag kediey kayi te inged ne Hirusalim, ne ieneb niyu en ini kayi te lusud te pruvinsiya te Hudiya, wey riyà dema te pruvinsiya te Semeriya, wey taman en diyà te epat ne pediyulu kayi te kelibutan.”

Nenged-ulaula 14:25

Ne ketà ne impesabut dan ke Lalag te Eleteala diyà te menge etew te inged ne Pirga, na mibpetiulug dan diyà te inged ne Etalya diyà te beyvey te rahat.

Nenged-ulaula 16:6

Ne riyà dan mibpevayà te menge inged ne Perigya wey Gelasiya su warà ituhut kandan dut te Kedesenan ne Ebpetuntul te Menusiyà te ibpesabut ke Lalag te Eleteala diyà te pruvinsiya ne Asiya.

Nenged-ulaula 17:11

Ne ke menge Hudiyanen ketà ne laus ne ebpemineg dan engki Pablo su sikandan ne kenà iring dut te menge Hudiyanen diyà te Tiselunika. Su egkeseveka ran ne mibpemineg dut te impesabut ni Pablo. Ne uman gewii ne ebesaan dan ke ingkesurat ne Lalag te Eleteala su apey ran egketueni ke benar iya ke impenurù dan.

Nenged-ulaula 26:16

Na, enew ka su iyan ku kinepekita kenikew su ebpeheleveken ku sikew kediey ne apey nu ebpekepesabut ke menge etew mekeatag dut te impekita ku keykew guntaani wey ruma pà ne ibpekita ku keykew keuremà.

Nenged-ulaula 4:20

Su kenà egkepakey ne ebpekeengked key se ebpemenudtul dut te nekita te mata rey wey nerineg dey.”

Nenged-ulaula 8:4

Ne ini se mibperetiyaya ki Hisus ne nevurahey en, ne mid-eneb-eneb dan en diyà te langun ne menge inged se ebpesabut dut te Lalag te Eleteala.

Ruma 15:16

su mibeelan a nikandin ne sugsuhuen ni Hisu Kristu te egelevek keniyan te keniyu te menge etew ne kenà Hudiyanen su ebpesabut te Meupiya ne Tudtul ne egenat te Eleteala. Ne kayi te kegelevek ku ne iring a te terebpelengesa ne edrenà te ibehey diyà te Eleteala. Su embiya ruen ebperetiyaya ne sikandan se egketelimà te Eleteala ne iring sikandan dut te idrenà ku ne ibehey diyà te Eletela su midtilak en ke hinawa ran dut te Kedesenan ne Ebpetuntul te Menusiyà.

1 Kurintu 4:1

Ne sikami ne ebpemesabut te Lalag te Eleteala ne iyan niyu kebpegitunga kenami ne sugsuhuen key te Eleteala. Insarig kenami te Eleteala te ini se ibpemesabut dey mekeatag ki Hisu Kristu ne warà metueni te menge etew rengan.

Hibruhanen 2:3

Ne embiya iring ketà, ne iyan pè be kenà muna pà se kedusa te Eleteala keytew embiya kenà ki eduma rut te tudtul mekeatag te mepmeupiya ne ralan te kebpeliyu te Eleteala rut te menge etew. Su si Hisus en iya ke Kerenan tew se neuna ne nekepenudtul te kebpeliyu kenitew, ne ke menge etew ne nekerineg kandin se nekepenitihus dan te ini ne benar iya.

1 Pedro 5:1

Ne ruen egkehiyen ku riyà te keniyu ne menge pekilukesen te menge mibperetiyaya su siaken ne pekilukesen a rema iring keniyu. Ne nekita kayi te mata ku ke kegkerasey ni Hisus, ne netuenan ku ne ketà te akir din ne hewii ne egkekita ke kebmepurù ni Hisus ne ebpekeamung ki ketà te kebmepurù din. Tembù be iyan niyu tumana ini se ebuyuen ku

2 Pedro 1:16

Ne ini se impesabut dey keniyu mekeatag te kebmepurù ni Hisu Kristu ke Kerenan tew ketà te kedlived din kayi te ampew te dunya, ne kenà mibèbeelan dà dut te itungan te menusiyà dà dè duen. Ugaid ne ini se impesabut dey keniyu ne benar su nekita rey iya ketà te kebpepurù kandin te Eleteala.