Lucas 1:10 - Ke meupiya ne tudtul mekeatag ki Hisu Kristu

¹⁰ Ne gewii rin te edtutung te rukut kayi te lusud, ne riyà te luwal ebpengeningeni ke merakel ne etew.

Lucas 1:10 ပူးပေါင်းရင်းမြစ်များ

Hibruhanen 4:14

Engketà be ne egewaran tew te mevaher ke kebperetiyaya tew ki Hisus ke Anak te Eleteala. Su mibpendiyan en ke Mepurù te Terebpelengesa tew te langit ne riyan en te etuvangan te Eleteala se ebpeninindeg kenitew.

Hibruhanen 9:24

Su si Hisu Kristu ne kenà ke valey ne ebpengerapan ne mibeelan dà te etew kayi te ampew te dunya se midlusuran din su ini ne ebpekeiring dà dut te ke tidtu riyà te langit. Ugaid ne sikandin ne midlusud diyà te langit ke tidtu ne ed-ubpaan te Eleteala, ne diyan en guntaan sikandin te etuvangan te Eleteala se ebpeninindeg kenitew.

Imperayag 8:3

Ne ruen pà ruma ne suluhuen te Eleteala ne nekita ku ne mid-ewit te bulawan ne edtehuan te rukut, ne nekeuma sikandin ne mid-itindeg diyà te uvey rut te ebpelengesaan te menge binatang ne ibehey ran diyà te Eleteala. Ne ruen dekelà ne rukut ne imbehey kandin su edtutungen su apey ke meemut ne ngareg din ne ebped-umanen dut te kebpengeningeni te menge etew ne mibperetiyaya te Eleteala. Ne edtutungen ini riyà te ebpelengesaan ne mibeelan ne bulawan ketà te etuvangan te ebpinuuwan dut te edatù.