Kulasi 4:15 - Ke meupiya ne tudtul mekeatag ki Hisu Kristu

¹⁵ Peketueni niyu rà dut te menge suled tew te ebperetiyaya riyà te Liyudusiya te ebpenginginsà a rema kandan. Wey riyà dema te ki Nimpa abpeg ke menge mibperetiyaya ne egkevurun ketà te valey rin.

Kulasi 4:15 ပူးပေါင်းရင်းမြစ်များ

Ruma 16:5

Ne idlakit niyu rema ini se penginginsà ku rut te menge etew ne mibperetiyaya ne riyà egkevurun te valey ran su ebpengarap dan te Eleteala. Ne idlakit niyu red dema ini se penginginsà ku riyà te igkelimù ku ne sepekat ku ne si Ipinitu, su sikandin ke neuna ne etew ne mibperetiyaya ki Hisu Kristu keniyan te lusud te Asiya.

1 Kurintu 16:9

Su ruen pà merakel ne etew kayi ne egkiyug ne ebpemineg te kebpenurù ku, ne ibpemesabut ku kandan misan merakel se egkunterà te Eleteala kayi.

Kulasi 2:1

Sikiyu langun ne mibperetiyaya ne riyà te inged ne Kulasi wey keniyan te Liyudisiya abpeg ke langun ne warà pà mekekilala kedì, kiyug ku ne egketuenan niyu ke engkey se kebpegelep ku te ebpengeningeni mekeatag te sikiyu.

Kulasi 4:13

Nekita ku se mibpegelep nevenar si Ipapras se edtavang keniyu wey ke menge etew riyà te Liyudisiya wey Hirapulis.

Kulasi 4:16

Embiya egkepasad niyu en te ebasa ini se surat ku ne ipelaus niyu rà diyà te inged ne Liyudisiyu su apey ran egkevasa dut te ebpengevurunan te menge mibperetiyaya riyà. Ne engketà ded dema arà se surat ku riyà te kandan ne ibpeewit dan keniyu, ne besaa niyu rema keniyan te inged niyu.

Filemon 1:2

wey riyà dema te ki Epiya ne senge etew ne meritan ne suled tew te ebperetiyaya, wey ki Arkipus dema ne ruma tew te ebpekibunù ki Setanas ke datù te pekaid, wey taman dut te langun ne mibperetiyaya ne egkevurun keniyan te baley nu.