Kulasi 4:11 - Ke meupiya ne tudtul mekeatag ki Hisu Kristu

¹¹ Si Josue ini se ed-ingaranan dema ki Jestis ne ebpenginginsà dema keniyu. Kayi te langun ne Hudiyanen ne mibperetiyaya kayi ne ini rà se tetelu, si Aristarkus, si Marcos, wey si Josue se midtavang kedì te ebpesabut mekeatag te Edetuan te Eleteala. Ne nehalew se hinawa ku kayi te dekelà ne tavang dan.

Kulasi 4:11 ပူးပေါင်းရင်းမြစ်များ

Nenged-ulaula 10:45

Ne ke menge Hudiyanen ne mibperetiyaya ki Hisus ne egenat te Hupa ne nekeruma ki Pedro ne nengegeyip su netelimà dan ke Kedesenan ne Ebpetuntul te Menusiyà ne midlumun dut te menge etew ne kenà Hudiyanen.

Nenged-ulaula 11:2

Guna su mid-ulì si Pedro diyà te Hirusalim ne ruen menge Hudiyanen ne mibperetiyaya ki Hisus ne midawey kandin se egkahi te,

Ruma 16:3

Ne ibpesabpet niyu rà ini se penginginsà ku riyà te ki Priscila wey ki Ekila, su menge ruma ku sikandan te egelevek ki Hisu Kristu.

Ruma 4:12

Ne si Abraham dema ke amey rut te menge Hudiyanen ne eduma te betasan te kebpeetus. Ugaid ne kenà ke kinepeetus dan se puunan te iring sikandin ne amey ran, su ke sarig dan te Eleteala se puunan iring dut te kinesarig ni Abraham te warà pà sikandin meetusi.

2 Kurintu 6:1

Engketà arà ne mid-amung key dut te Eleteala te egelevek dut te helevek din kayi te ampew te dunya. Ne ebuyuen dey keniyu ne ibpekita niyu te mid-upianan niyu ke daat te nanam din keniyu su apey kew ebpekeliyu.

Ipisu 2:11

Sikiyu ne menge etew ne kenà Hudiyanen ne ed-ingaranan te Hintil, ne tentenuri niyu ke pehaney te warà kew pà mebperetiyaya ki Hisu Kristu. Ne edsusudian kew te menge Hudiyanen su egkehiyen dan ne kenà kew sakup te Eleteala su warà kew meduma rut te betasan dan te ebpeetus. Ne sikandan kun ke benar ne sakup te Eleteala su mibpeetus dan, ugaid ne ke lawa ran dà se ruen tuus din su ke itungan dan ne warà mesembii.

Pilipus 4:3

Ne sikuna ne megeget ne ruma ku, ne tavang ka te ebpedtuntey kandan. Su in-amin dan ke hinawa ran te edtavang kedì te ebpesabut dut te Meupiya ne Tudtul. Uya, sikandan engki Klimen wey ruma pà ne layun edtavang kedì. Nekesurat en te Eleteala ke ngaran dan ketà te riberù ne edsuratan din te menge ngaran te etew ne nevehayan en te umur ne warà edtemanan din.

Kulasi 4:7

Si Tikikus ini se edsuhuen ku keniyan te keniyu ne idtarem din keniyu ke tudtul mekeatag kedì. Suled tew sikandin ne igkelimù ku, ne ruma rey kayi te kebpesabut te lalag te Eleteala, ne benunuyan sikandin te helevek din.

1 Tiselunika 3:2

ne ibpepengkeniyan dey te keniyu si Timoteo ne suled tew ne sugsuhuen te Eleteala ne edtavang kenami te kebpemesabut dut te Meupiya ne Tudtul mekeatag ki Hisu Kristu. Su midsuhù dey sikandin te ebag-et te hinawa niyu wey ebpeiseg dut te kebperetiyaya niyu,

1 Tiselunika 3:7

Tembù be, menge suled, beleharen te nerasey key wey mibpekesekitan key, su nevag-et se hinawa rey ketà te nerineg dey te mid-iseg se kebperetiyaya niyu.

Tito 1:10

Su merakel ne etew keniyan te Krita ne kenà ebpemineg dut te tidtu ne penurù, labi en ayan se nekeruma te penurù te Hudiyanen ne ebpeetusan ke menge mibperetiyaya, ne neekalan te ruma ran kayi te penurù dan ne warà rantek din.

Filemon 1:1

Siaken ini se edsurat ne si Pablo elin si Timoteo ke suled tew te ebperetiyaya. Ini ad te bilengguan su atag dut te kebpesabut ku mekeatag ki Hisu Kristu. Edsuratan dey sikuna, Filemon, ne sepekat ne igkelimù dey ne ruma rey dema te ebpesabut mekeatag ki Hisus,

Filemon 1:24

Elin si Marcos, si Aristarkus, si Demas, wey si Lucas ne menge ruma ku te ebpesabut te lalag te Eleteala ne ebpenginginsà dan dema te sikiyu keniyan.