Kulasi 3:23 - Ke meupiya ne tudtul mekeatag ki Hisu Kristu

²³ Ketà be ne misan engkey se egeleveken niyu, ne upiani niyu iring te ke Eleteala se edsuhùsuhù keniyu ne kenà etew rà.

Kulasi 3:23 ပူးပေါင်းရင်းမြစ်များ

Mateo 6:16

Ne migkahi pà maa si Hisus te, “Embiya edlimpas kew te egkaan su ebpengeningeni, ne kenà kew ebpekerumbahat te paras niyu iring dut te menge etew ne engkungkun ne metidtu. Su sikandan ke edlimpas dan te egkaan ne ebpebparas dan te merupaas su apey mekita te edlimpas dan te egkaan. Ne igkahi ku keniyu te kayi te ini se mid-ulaula ran ne nekuwa ran en ke lalew ran.

Ruma 14:6

Su ke etew ne ebpegitung te ruen senge keandew ne egkeedatan nevenar, ne ini se ed-ul-ulaan din te ked-edati rin dut te Kerenan tew. Ne iring din ded dema ke etew ne egkaan te piya engkey en, su ed-ul-ulaan din ini te ked-edati rin te Kerenan tew su Eleteala ke mibpeselematan din ketà te egkekaan din. Ne ke etew ne tuved dà se egkeenen din su kenà kun idluhut se usa se egkeenen, ne ini se ed-ul-ulaan din dema te ked-edati rin te Kerenan tew, ne mibpeselematan din ded dema te Eleteala.

Ruma 14:8

Su taman te biviyag ki pà ne iyan iya se ibpeuna tew ke kiyug te Kerenan tew, ne ketà te kebpatey tew ne sikandin ded se kemuney keytew. Su iyan din meana ne kepatey keuyag ne iyan egkemuney keytew ne ke Eleteala.

Ipisu 5:22

Sikiyu ne menge meritan, ne perumaruma kew dut te esawa niyu iring te kebperumaruma niyu ki Hisu Kristu.

Kulasi 3:17

Ne ke langun ne ed-ul-ulaan niyu, kayi te lalag niyu etawa gelevek niyu, ne tentenuri niyu te sakup kew ni Hisu Kristu ke Kerenan tew. Ne deyrey kew te Eleteala ke Amey tew ibpepevayà ki Hisu Kristu.

1 Pedro 1:22

Na geina te mibperumaruma ki en dut te tidtu ne penurù ne egkepakey ne meilut se limù tew rut te menge ruma tew te ebperetiyaya su mibmetidtu ke itungan tew. Tembù be ebpelimlimuey ki egenat te hinawa ta ne kenà kayi rà te bèbà ta.

1 Pedro 2:13

Na geina te mibperetiyaya ki ki Hisus, ne eduma kiyu te menge ureding dut te menge egkamal keytew. Ebperumaruma ki rut te piya engkey en ne ebpengulu te inged tew.

1 Pedro 2:15

Su ini se egkiyuhan te Eleteala ne ed-ul-ulaan tew ne meupiya su apey egkeengked ke menge lalag ne warà rantek din dut te menge etew ne egketalengtaleng ne edtarùtarù mekeatag keytew.