Kulasi 3:2 - Ke meupiya ne tudtul mekeatag ki Hisu Kristu

² Ne arà be imbe se riyà tew rà te langit ke igkenuhuni tew, ne kenà kayi te ampew te dunya.

Kulasi 3:2 ပူးပေါင်းရင်းမြစ်များ

Mateo 16:23

Ugaid ne midlingì si Hisus ne migkehiyan din si Pedro te, “Awà ka su iring ka ki Setanas! Maa, ebengenen a nu kayi te ibpetuman kediey? Su ke itungan nu ne kenà diyà ebpuun te Eleteala, ugaid ne kayi rà te itungan te menusiyà.”

Mateo 6:19

“Kenà kew edlimud te kekewesai niyu kayi te ampew te dunya,” ke si Hisus, “su kayi ne ruen egketketen, ne ruen edtengisen, ne ruen menge tekawen ne edlusud te menge valey niyu su ebpemenakew.

Lucas 12:15

Ne midlalag en si Hisus ketà te merakel ne etew te, “Uram kew wey inteng kew te ulaula niyu te warà kegkeeram-am niyu. Su ke tidtu ne puunan te kegkeuyag te etew ne kenà diyà te kearen ne egeweran din.”

Lucas 16:11

Su embiya kenà ka egkeserihan ne ebpeheweren te kearen kayi te ampew te dunya ne kenà ke en iya ebpeheweren te Eleteala rut te tidtu ne kearen diyà te langit.

Pilipus 1:23

Su iring te nevaad se hinawa ku, su ruen arà se egkesuat ad ne ed-awà kayi te ampew te dunya ne ebpekiduma en ki Hisu Kristu su arà en iya ke meupiya te langun.

Kulasi 3:1

Na ketà te neuyag ded si Hisu Kristu, ne sikitew se mibperetiyaya kandin ne nekeamung en dema su duen en behu ne umur tew. Tembù be iyan tew ibpeuna te itungan tew ke impenehana rin kenitew riyà te langit, su riyà si Hisu Kristu te rapit te egkekewanan te Eleteala se ed-amung te ebayàbayà kandin.

Kulasi 3:5

Tembù be engked kew se ed-ulaula te meraat ne ke daan en ne ulaula te menge etew kayi te ampew te dunya iring dut te kebpengingniyug wey langun ne meredsik ne ulaula ne igkesuat te menusiyà. Ne engkeri niyu ne betasan ayan se kegkeima, su embiya kenà niyu ed-engkeran ne ke kearen ne igkesuati niyu ne arà se egkevaluy ne kerenan niyu.