Kulasi 2:8 - Ke meupiya ne tudtul mekeatag ki Hisu Kristu

⁸ Pemiyapiya kew ve rut te menge etew ne ebpekehuyud te inesa niyu te ebpemineg dut te lalag dan ne engkungkun ne meralem su apey kew egkeekali wey apey kew ebperumaruma kandan. Ugaid ne warà pantag dut te menge lalag dan su iyan dan dà ebpenurù ke betasan te menge keep-epuan dan ne riyà dà ebpuun te itungan dut te menge etew rà dè duen, su ini se ibpenurù dan ne kenà riyà ebpuun te ki Hisu Kristu.

Kulasi 2:8 ပူးပေါင်းရင်းမြစ်များ

Mateo 10:17

Uram kew su ebpenigkemen kew te menge etew ne ibpepemenayik kew diyà te kukuman. Ne ebpenruuhen kew riyà te valey ne ebpengedian te penduan te menge Hudiyanen.

Mateo 16:6

Ne mibpenempità si Hisus kandan te, “Andam kew,” ke sikandin, “ne ingati niyu te kenà kew egkepeneheewit te ibpelevag te pan dut te menge Peresiyu wey Sadusiyu.”

Mateo 7:15

“Uram kew dut te menge etew ne engkungkun ne ebpelambas te Lalag te Eleteala. Su ebpendiyà dan te keniyu ne iring te paras te bilibili ne meamuk, ugaid ne riyà te hinawa ran ne iring dan te mewalew ne asu ne ebpekekaid.

Nenged-ulaula 17:18

Ne ketà ne ruen menge meyterù ne ed-ingaranan te Epikuranu wey ruma ne ed-ingaranan te Estuwiku ne mibpekidlalag kandin. Duen duma ne mid-insà te, “Engkey vuwa se egkehiyen kayi te ini se ed-iring uvag te ruen nesebutan din?” Ne duen duma ne migkahi te, “Iyan din beneng edlelahen ne mekeatag te menge diwata diyà te meriyù ne inged.” Tembù migkahi ran ini su impesabut ni Pablo ke Meupiya ne Tudtul mekeatag ki Hisus wey ke kegkevanew rin.

Nenged-ulaula 17:32

Guna su nerineg dan ini se nekahi ni Pablo mekeatag te kegkevanew dut te minatey, ne ruen duma ne midsumpalit. Ugaid ne ruen dema migkahi te, “Igkesuat dey pà maa te ebpemineg te kedseyseya nu mekeatag kayi.”

Ruma 16:17

Ebuyuen ku ve keniyu, menge suled ku, te ingat kew rut te menge etew ne ebaal te kegkereeti rut te kegkeseveka niyu te kebperetiyaya, ne elihu kew kandan su sikandan ke puunan dut te kegkeliyaliya te sarig niyu su ebpekesurang dan dut te benar ne penurù ne ingkepenurù keniyu.

1 Kurintu 10:12

Ne engketà be ne embiya ruen etew ne iyan din egkepegitung te kenà din ed-ul-ulaan ke meraat su mevaher en se sarig din, ne iluta rin pà lavew su kalu ke ebpekevaal ded sikandin te salà.

1 Kurintu 8:9

Ugaid ne misan iring ketà, ne uram kew kayi te menge ruma niyu ne meluvey pà se peretiyaya ran su apey ran kenà ebpekedsalà te puunan keniyu.

2 Kurintu 10:5

Su ini se ebmeteremen dey ne ibpeketalew rey ketà te tarù ne kebpekidlawan te menge mepereyù ne etew ne kenà eduma te benar ne penduan te Eleteala. Ne edtelawen dey ke langun ne ibpeitindeg dan ne itungan ne ebelavag dut te kegkesebuti ran mekeatag te Eleteala. Ketà be ne edtelawen dey ke kebpekidlawan dan su apey ran egkepeneheewit te kebperetiyaya ki Hisu Kristu.

Gelasiya 1:14

Diyà te menge ruma ku ne Hudiyanen ne iring ku te kenguwed, ne warà repeng ku se kedtanud din te penduan ne intahak ni Moises keytew. Su pinelavi ku te menge ruma ku se kedtuman te betasan dut te keep-epuan dey.

Gelasiya 4:3

Ne ebpekeiring kiyu be ketà. Taman te nekeuma en si Hisus ne nesebutan dey ke benar, ne iring kiyu te batà pà. Su uripen ki rut te betasan te keep-epuan tew te ebpekesuhat te hinawa rut te tumitimà kayi te ampew te dunya.

Gelasiya 4:9

Ugaid ne gunteani te netuen niyu en ke tidtu ne Eleteala, ne netuen kew rin en dema, ne meambe ke egkiyug kew ne edlived ne eduma ketà te kiyug dut te tumitimà ne warà gehem din te ebpeliyu keykew? Meambe ke egkiyug kew te edlived ne uripen din?

Gelasiya 5:15

Ugaid ne embiya iring kew te asu ne ebpekegkehatey su sabap dut te ebpemekedlewanà kew, ne urami niyu ke ebpekereraat kew rut te kedseveka te hinawa niyu te keduma ki Hisus.

Ipisu 2:2

Su rengan ne iyan niyu midumaan ke meraat ne betasan dut te menge etew ne iyan dan edumaan ke kiyug den dà kayi te ampew te dunya. Ne ketà ne iyan niyu nerumaan ne ke datù te pekaid, ini se unuten dut te langun ne busew, su sikandin imbe ke egawed te hinawa rut te menge etew ne kenà eduma te Eleteala.

Ipisu 4:20

Ugaid ne sikiyu mulà ne iyan niyu nehuruwan mekeatag ki Hisu Kristu ne kenà iring ketà.

Ipisu 5:6

Kenà kew ve imbe egkeekali keniyan ke ruen egkahi te ayan ne menge ulaula ne warà dà diyà te itungan te Eleteala su ebpeseharen din dà. Su ketà ebpuun ne menge ulaula ne ayan se menge etew ne warà meduma te Eleteala ne ed-isuhaten din su mid-ulaula ran ke igkeepes te Eleteala.

Pilipus 3:2

Uram kew dut te menge etew ne ed-ingaranan ku te menge asu su meraat se ed-ul-ulaan dan su ibpehes dan dut te penurù dan te embiya kenà kew ebpeetus ne kenà kew kun egkevaluy ne sakup te Eleteala.

Kulasi 2:18

Kenà kew egkeekali dut te menge etew ne egkahi te warà pantag niyu ne kenà niyu dait se edtuney ebpengeningeni riyà te Eleteala ne kayi kew rà tawag te menge suluhuen su apey sikandan kun se ed-ewit dut te ebuyuen niyu diyà te Eleteala. Egkehiyen dan ne impeseilew te Eleteala kandan ini se penurù dan, ugaid ne kenà kew ebpehimbenar su ini ne menge etew ne menge mepereyù su iyan dan ibpenurù ne kayi rà dè duen te itungan dan ne kenà egenat te Eleteala.

Kulasi 2:20

Na sikiyu ne mibperetiyaya ki Hisus ne iring te nekeunung kew te kinepatey rin. Ne arà be se impeliyu kew rut te betasan te menge etew ne edtanud te suhù te menge ruma ta ne kenà egkekita. Ne meambe ke ebpemineg kew lavew te liiyen dan ne egkahi te,

Kulasi 2:22

Ayan ne pemelii ne mibèbeelan dà te etew. Su iyan benar, ne upama ke egkeenen wey inumen ne warà atag te liiyen. Su imbehey te Eleteala ne ibpekaan wey ibpeinum din kenitew ne embiya egkeamin en ne warè en.

Kulasi 2:23

Kayi te itungan te menge etew ne edtanud te liiyen ne ruen keupianan dan. Su egkahi ran te dait ne igkerupet te lawa ran se edtumana ran te liiyen wey ibpeembavà dan te hinawa ran ne tuus te ebpengarap dan te suluhuen te Eleteala. Ugaid ne ini se kedtanud dan te liiyen ne kenà ini se ebpeketavang kandan te ed-eren te kiyug dan te kememenusiyai.

1 Timoteo 6:20

Na Timoteo, tugenura nu ke kebpenurù nu ne insarig te Eleteala kenikew. Kenà nu ed-emungi ke menge etew ne ebpengasak te lalag ne kenà ebpekesuhat te Eleteala wey ebpelewlewaney te warà rantek din. Su iyan dan kunaan ne metau ran, ugaid ne ke lalag dan mekeatag te Eleteala ne kenà benar.

2 Timoteo 3:13

Ne ayan se menge meraat ne etew wey ayan se ebpemenurù te kenà benar, ne ke keraat te perangey ran ne ed-isab pà. Edlimbung dan te ruma ne etew, ne egkelimbungan dan ma rema.

Hibruhanen 13:9

Uram kew ke egkepeneheewit kew rut te merakel ne kenà tidtu ne penurù su ini ke kebpekesuwey niyu rut te benar ne impenurù keniyu. Ne warà duma ne ebpekevaher te kedsarig niyu te Eleteala ke kenà ke tavang din keniyu ne kenà kayi te keduma niyu te suhù mekeatag te liiyen te egkeenen, su ke kedtanud niyu ketà ne kenà ebpeketavang te kebperetiyaya niyu ki Hisus.

Hibruhanen 3:12

Engketà be menge suled ku, uram-uram kew nevenar su apey warà seveka keniyu ne eduma te meraatey ne itungan ne ed-awà se peretiyaya rin te Eleteala, su arà se kebpekepekeriyù tew rut te Eleteala ne warà kemetayen din.

1 Pedro 1:18

Ne netuenan ta ne mibelukasan ki te Eleteala rut te kegkeuripen tew te menge ulala tew rengan ne warà rantek din ne intetahak te menge keep-epuan tew. Ugaid ne sika se imbelukas kenitew ne kenà bulawan etawa pirak ne egkeawà ke elehà din.

2 Pedro 3:17

Ugaid ne sikiyu ne menge suled ku, tehaad te impenudtul ku en keniyu neraan mekeatag te ini se ebpenurù te tarù, ne uram kew su apey kew kenà ebpekeruma dut te tarù ne penurù dan. Su embiya ebperumaruma kew kandan, ne egkereetan kew su ke benar ne penuruan ne mibperetiyaya kew ne egkeawà diyà te keniyu.

2 Juan 1:8

Tembù be uram kew su apey kenà meawà diyà te keniyu ini se lalew rut te migelevek niyu, ugaid ne ebpekekuwa kew te langun ne impenehana te Eleteala keniyu.