Kulasi 2:20 - Ke meupiya ne tudtul mekeatag ki Hisu Kristu

²⁰ Na sikiyu ne mibperetiyaya ki Hisus ne iring te nekeunung kew te kinepatey rin. Ne arà be se impeliyu kew rut te betasan te menge etew ne edtanud te suhù te menge ruma ta ne kenà egkekita. Ne meambe ke ebpemineg kew lavew te liiyen dan ne egkahi te,

Kulasi 2:20 ပူးပေါင်းရင်းမြစ်များ

Juan 15:19

Embiya ruma kew ran te egkunterà te Eleteala kayi te ampew te dunya, ne kenà kew ran edèdeetan. Ugaid ne geina te mibpemilì ku sikiyu ne kenà kew en duma nikandan, tembù be egkeepes dan keniyu.

2 Kurintu 10:3

Kenà benar arà su misan etew a rà ne ed-ubpà kayi te ampew te dunya, ugaid ne ini se ralan te ked-atu rey dut te langun ne meraat ne egkunterà te Eleteala ne kenà ke itungan dey rà te kememenusiyai.

Gelasiya 4:3

Ne ebpekeiring kiyu be ketà. Taman te nekeuma en si Hisus ne nesebutan dey ke benar, ne iring kiyu te batà pà. Su uripen ki rut te betasan te keep-epuan tew te ebpekesuhat te hinawa rut te tumitimà kayi te ampew te dunya.

Gelasiya 6:14

Ugaid ne siak mulà, ne iyan ku rà igkesuati ne edeyuen ku ne ke Kerenan tew si Hisu Kristu. Su sabap dut te kinepatey rin diyà te pinebelavag ne kayu su atag te salà tew, ne neekaran ad dut te nekeiket kedì ne kiyug te kememenusiyai kayi te ampew te dunya, su warà en atag din kayi te kedì.

Ipisu 2:15

Su ketà te kinepatey ni Hisus ne impeliyu kiyu en nikandin te eduma rut te penduan ne intahak ki Moises wey langun ne betasan ne mibperumaan din dut te sikami ne Hudiyanen rengan su apey Eleteala rà se edumaan dut te sikami ne Hudiyanen wey sikiyu ne kenà Hudiyanen. Ne ketà be ne in-awà din en ke kenà tew kebpemekedsuhatey, ne sikitew ke deruwa ne susun ne bansa ne mibaluy rin en ne seveka rà.

Kulasi 2:14

Pehaney ne ruen penduan te Eleteala ne ebperumaan din keytew, ugaid ne geina te nekerimpas kiyu ketà te insuhù din ne arà be imbe se ked-isuhata te Eleteala keytew te kewagib. Ugaid ne gunteani ne in-awà en te Eleteala ke ked-isuhat din keytew te menge mibperetiyaya su sabap dut te kinepatey ni Hisus ketà te pinebelavag ne kayu.

Kulasi 2:16

Na tembù be arà, kenà kew pemineg te idsawey ran keniyu te kenà kew eduma te edtanud te merakel ne liiyen mekeatag te egkeenen wey inumen wey ke ebperumaan kew nikandan te edtanud te menge hewii ne edtenuran dan mekeatag te behu ne sevang wey menge hewii ne edtenuran dan te ebpengevurunan wey hewii ne edtenuran dan te id-imeley ran.

Kulasi 2:21

“Pemelii ne egewaran ini, ne pemelii ne egkeenen arà.”?

Kulasi 2:8

Pemiyapiya kew ve rut te menge etew ne ebpekehuyud te inesa niyu te ebpemineg dut te lalag dan ne engkungkun ne meralem su apey kew egkeekali wey apey kew ebperumaruma kandan. Ugaid ne warà pantag dut te menge lalag dan su iyan dan dà ebpenurù ke betasan te menge keep-epuan dan ne riyà dà ebpuun te itungan dut te menge etew rà dè duen, su ini se ibpenurù dan ne kenà riyà ebpuun te ki Hisu Kristu.

Kulasi 3:3

Su sikitew ini se mibperetiyaya ne ebpekeiring te nekeunung ki te kinepatey ni Hisus, ugaid ne neuyag ded ma. Su ruen behu ne umur tew ne warà pà mebpayag ne ebentayan en te Eleteala su atag ki Hisu Kristu.

Hibruhanen 13:9

Uram kew ke egkepeneheewit kew rut te merakel ne kenà tidtu ne penurù su ini ke kebpekesuwey niyu rut te benar ne impenurù keniyu. Ne warà duma ne ebpekevaher te kedsarig niyu te Eleteala ke kenà ke tavang din keniyu ne kenà kayi te keduma niyu te suhù mekeatag te liiyen te egkeenen, su ke kedtanud niyu ketà ne kenà ebpeketavang te kebperetiyaya niyu ki Hisus.

Santiago 4:4

Meraat kew ne menge etew su mid-awà kew te Eleteala iring dut te etew ne ed-awà te esawa rin su apey ebpengingniyug! Meambe ke warà niyu metueni te ke etew ne eduma rut te meraat ne kiyug te menge etew kayi te ampew te dunya, ne arà se etew ne egkunterà te Eleteala? Ketà be ne piya engkey ne etew ne egkiyug ne eduma rut te meraat ne ulaula te menge etew kayi te ampew te dunya, ne egkevaluy sikandin ne kunterà te Eleteala.

1 Juan 5:19

Netuenan tew ne menge anak ki en te Eleteala. Ugaid ne ini se menge etew dè duen kayi te ampew te dunya, ne ebeyveyaan sikandan ni Setanas.