Kulasi 2:1 - Ke meupiya ne tudtul mekeatag ki Hisu Kristu

¹ Sikiyu langun ne mibperetiyaya ne riyà te inged ne Kulasi wey keniyan te Liyudisiya abpeg ke langun ne warà pà mekekilala kedì, kiyug ku ne egketuenan niyu ke engkey se kebpegelep ku te ebpengeningeni mekeatag te sikiyu.

Kulasi 2:1 ပူးပေါင်းရင်းမြစ်များ

Lucas 22:44

Ne gaina te nepenù en si Hisus te kemutuwan ne mid-ilut pà se kebpengeningeni rin te Eleteala, ne ketà ne edtehaktak diyà te tanà ke rimuseng din ne iring en te lengesa.

Nenged-ulaula 20:25

“Midsihid a dut te langun niyu te kebpesabut mekeatag te edetuan dut te Eleteala ne menge etew. Ne guntaani ne netuenan ku te ini rà taman se kebpemekedkita tew.

Nenged-ulaula 20:38

Iyan dan ibmerungkug ne arà se lalag din ne kenà dan en ebpemekegkita. Ketà ne midumaan dan sikandin taman diyà te kapal.

Gelasiya 4:19

Menge anak ku egenat dut te kebperetiyaya ta, ne mibmesakit ke hinawa ku su atag dut te ed-ul-ulaan niyu. Embiya idsempità ta ini se kebmesakit, ne iring dut te meritan ne egeram en te belilit. Su iring ketà se kedreheni ku gewii te edtehad a te keduma niyu en nevenar rut te ulaula ni Hisu Kristu.

Pilipus 1:30

Na ketà be ne nekeamung kew kedì te ebpekibunù ki Setanas iring te nekita niyu ma ke kebpekibunù ku dut te riyan e pà te keniyu wey ini se egkerineg niyu guntaani mekeatag te keresayan ne ebpevayaan ku.

Kulasi 1:24

Ne misan mibilanggù a su atag te kebpenurù ku keniyu te kenà menge Hudiyanen, ne kenà a egkeuru su nasì pà te egkehalew a. Su egenat kayi ne keresayan ku ne egkeheraman ku ke keresayan ne kiyug ni Hisu Kristu ne egkepevayaan ku su apey egketevangan ke menge ruma tew ne mibperetiyaya ne iring te lawa rin.

Kulasi 1:29

Ini iya se ebpegelepan ku te egelevek ne embiya kediey rà ne kenà ku ini egkegaga, ugaid ne ke baher ni Hisu Kristu se ibpekegaga ku.

Kulasi 2:5

Su misan warà a keniyan te keniyu, ne keniyan ded ke hinawa ku. Ne nehalew a ketà te nerineg ku ne egkeseveka se itungan niyu wey ebmeilut se kedsarig niyu ki Hisu Kristu.

1 Tiselunika 2:2

Ne netuenan niyu rema ke egketemanan dey diyà te inged ne Pilipus te warà key pà mekepengkeniyan te keniyu, su mibpekesekitan key nikandan wey mibpegkeyà key. Ugaid ne misan iring ketà ne ke Eleteala se midtavang kenami, su mibag-et din ke hinawa rey te ebpengkeniyan ne ebpesabut keniyu dut te Meupiya ne Tudtul ne riyà ebpuun te kandin.

Hibruhanen 5:7

Gewii pà ni Hisus kayi te ampew te dunya ne miguriper se luwà din te kegkulayì din dut te pengeningeni rin diyà te Eleteala, su Eleteala rà se ebpekegaga te kebpeliyu kandin dut te kemetayen din. Ne nerineg ke pengeningeni rin te Eleteala su ke kinepeembavà din te hinawa rin wey ke kebperumaruma rin dut te kiyug te Eleteala.

1 Pedro 1:8

Ne misan warà niyu pà mekita si Hisus ne ikelimù niyu sikandin, ne ebperetiyaya kew kandin misan kenà niyu egkekita sikandin guntaani. Ne egkekita ini dut te dekelà ne kegkehalew niyu ne kenà egkerepengan wey kenà igkeupama.

Imperayag 1:11

Ne migkahi te, “Isurat nu ini se egkekita nu ne ibpeewit nu diyà te menge mibperetiyaya diyà te pitu ne menge inged: diyà te inged ne Ipisu, Ismirna, Pirgamu, Tiyetira, Sardis, Piledilpiya wey riyà te inged ne Lewdisiya.”