Kulasi 1:26 - Ke meupiya ne tudtul mekeatag ki Hisu Kristu

²⁶ Su igenat dà rengan ne warà etew ne netau te pegitungan te Eleteala, ugaid ne gunteani ne impayag en keytew ne menge sakup din.

Kulasi 1:26 ပူးပေါင်းရင်းမြစ်များ

Mateo 13:11

Migkahi si Hisus te, “Sikiyu ne edurumaruma kediey, ne ebpesebutan en te Eleteala rut te in-eles dengan mekeatag te Kedatù te Eleteala te menge etew, ugaid ke ruma ne menge etew ne ibpenurù kandan te ibpepevayà te menge sempità.

Mateo 20:7

“‘Su warà ebpehelevek kenami,’ ke sikandan. “Ne migkahi sikandin kandan te, ‘Gelevek kew rema diyà te pemulaan ku.’

Marcos 4:11

Ne migkahi si Hisus te, “Sikiyu ne edurumaruma kediey, ne ebpesebuten en te Eleteala rut te in-eles dengan mekeatag te kedatù te Eleteala te menge etew, ugaid ke ruma ne menge etew ne ibpenurù kandan te ibpepevayà te menge sempità,

Lucas 8:10

Ne migkahi si Hisus kandan te, “Sikiyu en imbe se ebpesebuten te Eleteala rut te warà din pà impayag te piya engkey ne etew mekeatag dut te kedatù din te menge etew. Ugaid ke ruma ne menge etew ne ibpepevayà te sempità su apey, misan edtengteng dan, ne kenà dan ebpekekita; ne misan egkerineg dan, ne kenà dan egkesebutan ke meana rin.”

1 Kurintu 2:7

Ugaid ne riyà ebpuun te ketau te Eleteala ini se ibpayag ku guntaani ne warà pa metueni te etew. Su ketà te warà din pà limbaha ini se dunya ne netahù en te itungan din se ruen dalan te kebpeliyu keytew dut te salà tew su apey ki ebpekeamung kandin dut te kebpurù din.

Kulasi 2:2

Su kiyug ku ne ebmeilut ke hinawa niyu te kedsarig ki Hisu Kristu wey egkeseveka ke itungan niyu atag te kebpelimlimuey. Su embiya ini se ed-ul-ulaan niyu ne egkesebutan niyu nevenar ne kenà duwaruwa se hinawa niyu rut te benar ne nesebutan niyu mekeatag ki Hisu Kristu, ini se behu en ne impayag te Eleteala.

Kulasi 4:3

Kenà kew rema lipat se ebpengeningeni kenami su apey key ebehayi te Eleteala te ralan te kebpesabut dut te tudtul ne warà pà mepayahi dengan mekeatag ki Hisu Kristu. Su tembù be imbe ini a te bilengguan su atag te kebpemesabut ku dut te tudtul.

2 Timoteo 1:10

Ne guntaani ne netuman en ke tavang din kenitew su impepengkayi rin en si Hisu Kristu ke ebpeliyu keytew. Ne ketà te nevanew sikandin dut te kinepatey rin ne kayi rin be iawà ke andek tew te kepepatey wey impesabut din kayi te Meupiya ne Tudtul te ruen umur ne warà edtemanan din.