Kulasi 1:21 - Ke meupiya ne tudtul mekeatag ki Hisu Kristu

²¹ Ne sikiyu rema, pehaney ne nekepekeriyù ke itungan niyu te Eleteala su kunterà kew rin dut te ulaula niyu wey itungan niyu ne meraat.

Kulasi 1:21 ပူးပေါင်းရင်းမြစ်များ

Ruma 1:30

wey metehel dan ne edlivak te ruma ran. Menge kunterà dan te Eleteala, ne kenà dan ed-adat dut te menge ruma ran, ne mepereyù dan wey ebpendatal. Ne layun dan idtahù te itungan ke meraat ne ed-ul-ulaan dan, ne kenà dan ebperumaruma dut te menge lukes dan.

Ipisu 2:12

Pehaney iya rema ne mebmeriyù kew ki Hisu Kristu ne warà kebpenareng niyu te kebpekeuma rin, su kenà kew Hudiyanen ke inenakan ni Israyil ne mibpemilì te Eleteala ne menge etew rin. Tembù be kenà kew ebpeketelimà dut te keupianan ne impasad te Eleteala kandan te edsuhù sikandin te ebpekepeliyu kandan ne ed-ingaranan ki Hisu Kristu. Ne pehaney te miduma kew pà te meraat ne ulaula rut te menge etew kayi te ampew te dunya, ne warà egkepenareng niyu ne tavang te Eleteala su warà niyu ma metueni ke engkey se benar ne Eleteala kayi te ampew te dunya.

Ipisu 2:15

Su ketà te kinepatey ni Hisus ne impeliyu kiyu en nikandin te eduma rut te penduan ne intahak ki Moises wey langun ne betasan ne mibperumaan din dut te sikami ne Hudiyanen rengan su apey Eleteala rà se edumaan dut te sikami ne Hudiyanen wey sikiyu ne kenà Hudiyanen. Ne ketà be ne in-awà din en ke kenà tew kebpemekedsuhatey, ne sikitew ke deruwa ne susun ne bansa ne mibaluy rin en ne seveka rà.

Ipisu 2:19

Na sikiyu ve ne kenà Hudiyanen ne misan ke pehaney ne warà kew mekeamung te sakup te Eleteala, ne guntaani ne duma kew en dut te sakup din ne mibpemilì din. Kenà kew en birang ne liyu ne etew te Eleteala, su tuney kew en ne anak din.

Ipisu 4:18

Su sikandan ne warà en iya pepaleng dan ke engkey se benar ne ralan. Ne warà en iya kandan ketà te umur ne warà edtemanan din ne riyà ebpuun te Eleteala su warà ma deisek dà ne kiyug dan te ebpemineg te kiyug te Eleteala su meresen ke ulu ran.

Santiago 4:4

Meraat kew ne menge etew su mid-awà kew te Eleteala iring dut te etew ne ed-awà te esawa rin su apey ebpengingniyug! Meambe ke warà niyu metueni te ke etew ne eduma rut te meraat ne kiyug te menge etew kayi te ampew te dunya, ne arà se etew ne egkunterà te Eleteala? Ketà be ne piya engkey ne etew ne egkiyug ne eduma rut te meraat ne ulaula te menge etew kayi te ampew te dunya, ne egkevaluy sikandin ne kunterà te Eleteala.