Juan 9:41 - Ke meupiya ne tudtul mekeatag ki Hisu Kristu

⁴¹ Ne midtavak si Hisus te, “Embiya nepisek kew iring dut te etew ne warà pà nevehayi te kerayahan, ne warà perem kegkeisuhat keniyu. Ugaid ne geina te migkahi kew te, ‘Ebpekekita key en,’ ne arà se kegkeisuhat keniyu te kewagib su kenà kew ma eduma.”

Juan 9:41 ပူးပေါင်းရင်းမြစ်များ

Lucas 12:47

“Ke edsugsuhuen ne netuenan din ke insarig kandin ne helevek,” ke si Hisus, “ugaid ne warà mebpenehana wey warà medtuman dut te insarig kandin ne ebpeketimaran te ebadas.

Lucas 18:14

“Igkahi ku keniyu,” ke si Hisus, “ketà te kineulì kayi te ebpevayad te buwis ne kenè en ebpenunduhen te Eleteala ke salà din, ugaid ne kenà iring ketà te mepereyù ne Peresiyu. Su piya entei ne etew ne ebpepurùpurù te hinawa rin ne ibpevavà te eleteala, ugaid ne piya entei ne etew ne mepeembavà te hinawa rin ne ibpepurù sikandin te Eleteala.”

Hibruhanen 10:26

Su embiya nesebutan tew en ke benar ne penurù mekeatag ki Hisu Kristu ugaid ne edtivevaan tew pà manen te ed-ulaula te meraat, ne warà en be egkepenareng tew te kebpekeliyu tew pà te salà tew.

Santiago 4:17

Tentenuri niyu ini se egkehiyen ku te embiya ruen etew ne netuenan din ded ke engkey se kiyug te Eleteala kandin ugaid ne warà din ul-ulaa, ne nekedsalà sikandin diyà te etuvangan te Eleteala.