Juan 8:48 - Ke meupiya ne tudtul mekeatag ki Hisu Kristu

⁴⁸ Ne midtavak ke menge Hudiyanen ki Hisus te, “Benar iya vuwa ke nekahi rey geina ne riyà ka ebpuun te inged ne Semeriya ne midsuukan ka te vusew.”

Juan 8:48 ပူးပေါင်းရင်းမြစ်များ

Mateo 10:25

Tembù be ebmehalew ke etew ne ebpepenurù pà ke egketamat din en ke ibpenurù kandin su apey ebpekeiring en sikandin dut te ebpenurù kandin. Ne iring din ded dema ke uripen ke ebpekeiring en dut te mibpengunguripen kandin. Ne embiya ke pengulu dut te telteleanak ne ed-ingaranan ki Bilsibul ke egkeunutan te busew ne iyan pè be kenà tuwas pà ne meraat ke id-ingaran dut te menge anak din.”

Mateo 10:5

Ini se sepulù wey deruwa ne impeipanew ni Hisus ne midteleenan din te, “Kenà kew ebpendiyà te menge inged te menge etew ne kenà Hudiyanen wey menge inged te Semeriya.

Mateo 11:18

Iring din ded dema ke kebpekeuma ni Juan, su nekita niyu te edlimpas te kegkaan si Juan ne kenà dema ed-inum te piya engkey ne ebpeketevereg ne iyan niyu migkahi se, ‘Midsuukan sikandin te vusew!’

Mateo 12:24

Guna nerineg ini rut te menge Peresiyu ketà ne migkahi ran te, “Si Bilsibul ke unutan te menge vusew se mibehey kandin te gehem te kebpenegseg te menge vusew.”

Mateo 12:31

Tembù be igkahi ku keniyu,” ke si Hisus, “te egkepesahad te Eleteala ke langun ne menge salà te menge etew ne misan engkey ne meraat ne edlelehan dan kandin. Ugaid ke etew ne edlalag te meraatey mekeatag dut te Kedesenan ne Ebpetuntul te Menusiyà, ne kenà en vulug egkepesahad te Eleteala ke salà din.

Mateo 15:7

Sikiyu ne uvag en kun ne ebperetiyaya! Benar iya ke lalag mekeatag keniyu ne impesurat te Eleteala ki Isayas ne mibpelambas te Lalag te Eleteala rengan su migkahi te,

Juan 1:19

Duen menge etew ne mibpendiyà te ki Juan su riyà sikandin te ripag te wayig ne Hurdan se ebpembunyag te menge etew. Ini se nekeuma ne menge terebpelengesa wey menge inenakan ni Levi su midsuhù dan dut te egkeunutan te menge Hudiyanen te ebpeinsaan dan si Juan te, “Entei ka?”

Juan 10:20

Merakel kandan se migkahi te, “Midsuukan sikandin te vusew! Ebunehen! Meambe ke ebpemineg kew kandin?”

Juan 13:13

Iyan niyu id-umew kedì ne ke Meyterù niyu wey ke Kerenan niyu, ne benar ma iya arà.

Juan 4:9

“Ey,” ke se meritan, “siaken ne etew a te Semeriya, ne meambe ke egnganey ka kedì te ked-inum nu su Hudiyanen ke ma?” (Iyan din kebpekelalag te iring kayi su kenà ebpemegayun ke menge Hudiyanen dut te menge etew te Semeriya.)

Juan 7:20

“Ed-em-emungan ke ves buwa te vusew!” ke se menge etew. “Su enta ma se egkiyug ne ed-imatey keykew?”

Juan 8:22

Ne mibpein-inseey ke menge unutan te Hudiyanen te, “Migkahi sikandin te, ‘Kenà kew ebpekependiyà te ebpesineruwan ku.’ Engkey se ibpesabut din, ed-ehet buwa sikandin?”

Juan 8:52

“Na benar iya ne midsuukan ka te vusew,” ke se menge Hudiyanen. “Su misan si Abraham wey ke langun ne mibpelembas te Lalag te Eleteala rengan ne mibpematey ran ded ma. Ne meambe ke migkahi nu te, ‘Misan entei en ne eduma te penurù ku ne kenè en ebpatey?’

Ruma 15:3

Su misan si Hisu Kristu ne warà din ipeuna ke kiyug te hinawa rin. Su ruen nekahi rin diyà te Eleteala ne impesurat ne egkahi te, “Ke langun ne ibpegkeyà te etew keykew, Eleteala, ne kayi edadsang te kediey.”

Hibruhanen 13:13

Engketà be ne impeliyu ki en dut te suhù te penduan ne intahak ki Moises. Ed-awà kiyu langun ketà ne ebpekeamung kiyu en ki Hisus dut te kinepekegkeyà din te kebpebpatey rin diyà te liyu te inged te menge Hudiyanen misan ebpekesekitan ki atag dut te keduma tew kandin.

Santiago 2:19

Embiya egkahi ka te mibperetiyaya ke en te sebseveka rà ke Eleteala ne meupiya arà, ugaid ne kunaan nu ke kebperetiyaya nu se ebpekegaga. Misan ke busew ne ebperetiyaya ne egkerkeren dan te kegkeandek dan kandin, su netuenan dan se edusaan dan pà te Eleteala.