Juan 8:43 - Ke meupiya ne tudtul mekeatag ki Hisu Kristu

⁴³ Meambe ke kenà niyu egkesebutan ke egkehiyen ku? Iyan iya se kenà kew egkiyug ne eduma te ibpenurù ku.

Juan 8:43 ပူးပေါင်းရင်းမြစ်များ

Mateo 13:15

Su ini se menge etew ne meresen se ulu ran, ne timbang te midsabpeng dan ke telinga ran, wey midlipereng dan ke mata ran. Su embiya kenà, ne ebpekekita ran en, ne ebpekerineg dan en, ne ebpekesabut dan en, ne ke hinawa ran ne edlived en kayi te kediey, ne ibpekepeliyu ku en sikandan dut te salà dan.’ ”

Juan 5:25

Sebenarvenar ini se egkehiyen ku, misan ke menge etew ne iring te minatey en su sabap dut te salà dan ne neuma en ke hewii ne egkerineg dan ke lalag ku, ke Anak te Eleteala, ne arà se ebpemineg ne egkevehayan te behu ne umur.

Juan 5:43

Iyan ku impengkayi ne ibpepevayà te gehem dut te Amey ku ne Eleteala, ne warà kew medtelimà kedì. Ugaid ne embiya ruen ebpekeuma ne ebpemandù keniyu te kandin dà ne gehem, ne edtelimaan niyu mulà sikandin.

Juan 6:60

Merakel dut te menge etew ne eduma kandin se nekerineg kayi te impenurù din ne migkahi ran te, “Merehen ne egkerumaan ini se impenurù din. Engkey rà buwa iya se ebpemineg kayi?”

Juan 7:17

Ke etew ne egkiyug ne edtuman te kiyug te Eleteala ne egketuenan din ke penurù ku ke embiya egenat te Eleteala etawa kayi rà dèduen te hinawa ku.

Juan 8:27

Warà mekesabut ke menge Hudiyanen te migkahi rin mekeatag te Amey rin ne Eleteala.

Juan 8:33

Nerineg den dà ne migkahi ran en te, “Sikami ne menge inenakan ni Abraham ne warà key pà keenu meuripen te misan entei en. Ne meambe ke nekahi nu se egkevelukasan key?”

Juan 8:39

Ne migkahi ran te, “Iyan dey keep-epuan si Abraham.” Ne migkahi si Hisus te, “Embiya ma benar kew ne inenakan ni Abraham, ne iyan niyu ma ebeelan ke mibeelan din dengan.

Nenged-ulaula 7:51

“Ne sikiyu,” ke si Esteban, “ne menge ruma ku ne menge Hudiyanen, meresen nevenar se ulu niyu! Ne ke hinawa niyu ne kenà eduma te Lalag te Eleteala, ne iring te bengel kew su kenà kew ebpemineg. Iring kew red iya te menge keep-epuan niyu, ne kenà kew rema ebpemineg dut te Kedesenan ne Ebpetuntul te Menusiyà.

Ruma 3:11

Warà senge etew rà ne nekesabut mekeatag te Eleteala; ne warà senge etew rà ne benar ne ebpemengà te ralan te kebpekesabut mekeatag kandin.