Juan 8:18 - Ke meupiya ne tudtul mekeatag ki Hisu Kristu

¹⁸ Edtitihusan ku ke kedì ne hinawa, ne ke Amey ku ne Eleteala ne midsuhù kedì se edtitihus dema mekeatag kedì.”

Juan 8:18 ပူးပေါင်းရင်းမြစ်များ

Juan 10:11

“Siak ke meupiya ne tumetuganur,” ke si Hisus, “su andam a ne ebpebpatey apey kenà mekeiri ini se menge bilibili ku.

Juan 10:14

“Siaken,” ke si Hisus, “ke meupiya ne tumetuganur ne ke menge etew ne iring te menge bilibili ku. Netuenan ku ke Amey ku, ne netuenan a rin dema. Ne iring ded dema kayi te menge bilibili ku ne eduma kedì su egkekilala ku sikandan ne egkekilala a ran dema, ne andam a ne ebpebpatey te selidig kandan.

Juan 10:30

Su seveka key rà dut te Amey ku ne Eleteala.”

Juan 10:9

Siaken ke humawan, ne misan engkey se edlusud kayi te kedì ne igkepeliyu sikandin. Iring sikandin te bilibili ku ne medlusud wey medluwal se ebpemengà te kegkaan din su egkeventayan ku ma sikandin.

Juan 11:25

Ne migkahi si Hisus te, “Iyan a imbe ke ebpembanhew ne iyan a imbe ebpuunan te umur ne warà edtamanan din. Ke etew ne ebperetiyaya kedì ne misan ebpatey sikandin ne biviyag ded ke gimukud din ne ed-ubpà diyà te Eleteala taman te taman.

Juan 14:6

Midtavak si Hisus te, “Siaken ke ralan te Eleteala, siaken ke ebpuunan te benar, ne siaken ded ke ebpuunan te umur ne warà edtemanan din. Warà etew ne ebpekependiyà te Amey ku embiya kenà kayi ebpevayà te kediey.

Juan 8:12

Ne migkahi pà maa si Hisus diyà te menge etew te, “Siaken ke sulù ne ebpekerayag te itungan te langun ne menge etew kayi te ampew te dunya. Piya engkey ne eduma kedì ne kenà en ed-ipanew diyà te kerusireman su egkereyahan en ke itungan dan kayi te rayag te sulù ne ebehey te umur ne warà edtemanan din.”

Juan 8:25

“Engkey ke ma iya?” ke se menge Peresiyu. Ne midtavak si Hisus te, “Intarem ku en keniyu ke entei a igenat dut te aney en ne kebpenurù ku taman en gunteani.

Juan 8:38

Iyan ku egkehiyen ne endei rà ke ibpekahi kedì dut te Amey ku, ugaid ne sikiyu ne iyan niyu ed-ul-ulaan ke netuenan niyu rut te amey niyu.”

Juan 8:51

Sebenarvenar ne ini se idtarem ku keniyu te piya entei en se eduma te ibpenurù ku ne kenè en ebpatey.”

Juan 8:58

“Sebenarvenar ne ini se egkehiyen ku keniyu,” ke si Hisus, “te warà pà in-anak si Abraham ne raan ad.”

Hibruhanen 2:4

Ne impekita rema te Eleteala se benar ini se mibpemenudtul dan kayi te mekegehem ne tuus, menge mekegeyip wey mekeinuinu ne ulaula ne mibpeveelan din kandan. Ne ruma pè ne impekita rin se benar ini su ruen menge ketau dut te Kedesenan ne Ebpetuntul te Menusiyà ne imbehey rin diyà te menge mibperetiyaya su migkiyuhan din.