Juan 8:15 - Ke meupiya ne tudtul mekeatag ki Hisu Kristu

¹⁵ Embiya egkukum kew te ulaula te menge etew ne kenà egkedserihan se kegkukum niyu su kayi rà dèduen te kememenusiyai ne itungan, ugaid ne siaken ne kenà a egkukum te misan engkey en.

Juan 8:15 ပူးပေါင်းရင်းမြစ်များ

Lucas 12:14

Migkahi si Hisus te, “Ey, Mama, warà kewagib ku te egkukum keniyu, ne warà kewagib ku te ebaad ketà te aren ne intavun te amey nu.”

Juan 12:47

“Piya entei ne nekerineg te menge lalag ku ugaid ne kenà din edtumanen,” ke si Hisus, “ne kenà siaken se ed-isuhat kandin te kerusaan. Su kenà iyan ku impengkayi ne ed-isuhat te kerusaan kandan, ugaid ne apey ran ebpekepeliyu dut te kerusaan dan.

Juan 18:36

Midtavak si Hisus te, “Ini se kedì ne edetuan ne kenà kayi te ampew te dunya, su embiya ma kayi ne mibpekibunù en ke menge sakup ku apey kenà a mesigkem te menge Hudiyanen. Ugaid ne ini se edetuan ku ne kenà kayi te ampew te dunya.”

Juan 3:17

Su iyan kinesuhù te Eleteala rut te Anak din kayi te ampew te dunya su apey kenà edusaan ke menge etew, ugaid ne apey ran igkepeliyu.

Juan 7:24

Kenà kew ed-isuhat te kukuman te kayi rà te egkekita niyu, ugaid ne ed-isuhat kew te kukuman te ibpeunsad dut te benar.”

Juan 8:11

“Warà en, Mama,” ke se meritan. “Na,” ke si Hisus te, “siak dema ne warà id-isuhat ku keykew ne kewagib. Ulì ke en be ugaid ne kenà ke en maa baal te meraat ne ulaula.”]

Ruma 2:1

Na sikiyu ne ed-isuhat dut te ruma ne menge etew ne ed-ulaula te meraat iring ketà ne med-uram kew. Warà kevenar niyu te ed-isuhat kandan su kenà egkepakey ne egkahi kew te warà salà niyu. Su embiya ed-isuhat kew kandan, ugaid ne mid-ulaula kew te meraat iring dut te mid-ulaula ran, ne timbang te sikiyu red se nesuhat elin kandan.

1 Kurintu 2:15

Ugaid ne ke etew ne mibperetiyaya ne netehuan en te Kedesenan ne Ebpetuntul te Menusiyà, ne egkesebutan din ke pantag dut te langun ne ibpenurù te Kedesenan ne Ebpetuntul te Menusiyà. Ugaid ne ke etew ne kenà ebperetiyaya ne warà diyà te kandin ke Kedesenan ne Ebpetuntul te Menusiyà, ne kenà egpekesabut te itungan dut te menge etew ne netehuan en te Kedesenan ne Ebpetuntul te Menusiyà.

2 Kurintu 5:16

Ketà te warà a pà mebperetiyaya ki Hisu Kristu ne ke menge etew ne edsudian ku te kebpeparas dan wey ke kebevelegkasan dan, ne engketà ded dema ke nepegitung ku ki Hisu Kristu. Ugaid ne gunteani ne nesalin en ke itungan ku.

Santiago 2:4

na embiya ini se ed-ul-ulaan niyu, ne meraat arà su ke ked-elit-elit niyu te menge ruma niyu ne mibperetiyaya ne warà meked-iring su kunaan niyu ke kewasa ne etew ne iyan pà belielehà dut te ayuayu. Ne ini se mid-ulaula niyu ne ebpuun arà te meraat ne itungan niyu.