Juan 7:8 - Ke meupiya ne tudtul mekeatag ki Hisu Kristu

⁸ Una kew en pendiyà te kevurunan,” ke si Hisus “su warà pà mekeuma ke dait ne hewii te kebpayag ku rut te menge ulaula ku.”

Juan 7:8 ပူးပေါင်းရင်းမြစ်များ

Mateo 26:18

Ne migkahi si Hisus te, “Pendiyà kew te inged ketà te senge etew ne meama ne kehiya niyu kandin te, ‘Kiyug te meyterù tew te ini se baley nu ke edlevungan din wey ke menge edumdumaan din te ini se Pista su mehaan en ed-awà kayi te kelibutan.’ ”

Juan 2:4

“Tebiyà dà keykew, Inà,” ke si Hisus, “te kenà a nu uyawi te ed-ul-ulaan ku. Su warà pà meuma ke hewii te kebpekita ku te gehem ku riyà te menge etew.”

Juan 7:30

Ne edsigkemen dan en perem si Hisus ketà, ugaid ne warà neketikà ne egawed kandin su warà pà ma mekeuma ke intail ne hewii te Eleteala te kegkesigkem kandin.

Juan 7:6

Midtavak si Hisus kandan te, “Warà pà mekeuma ke dait ne hewii te kebpayag ku rut te ed-ul-ulaan ku. Ugaid ne sikiyu, ne piya engkey ne hewii ne neked-iring dà diyà te keniyu.

Juan 7:9

Arà dà ke migkahi ni Hisus ne mibpelintetahak en sikandin kayi te Geliliya.

Juan 8:20

Ini ke migkahi ni Hisus dut te kebpenurù din diyà te Nekebpuru ne Valey te Eleteala uvey te edtehuan te ibehey te Eleteala. Ne warà midsigkem kandin su warà pà ma metuman ke hewii ne intail te Eleteala kandin.

Juan 8:30

Ne merakel dut te nekerineg te lalag ni Hisus se mibperetiyaya kandin.