Juan 7:43 - Ke meupiya ne tudtul mekeatag ki Hisu Kristu

⁴³ Ketà be ne warà meseveka ke itungan dut te menge etew mekeatag ki Hisus.

Juan 7:43 ပူးပေါင်းရင်းမြစ်များ

Mateo 10:35

Su sabap te mibpengkayi a ne egkunterà ke menge anak ne meama dut te amey ran, ne egkunterà ke menge anak ne meritan dut te iney ran, ne egkunterà ke enuhang ne meritan dut te ambey ran,

Lucas 12:51

Maa, iyan niyu kunaan ke ini se kinepengkayi ku ne ed-ewit a te kebmelinew kayi te kelibutan? Kenà en iya! Su idtarem ku keniyu te kenà kebmelinew, su ini se kinepengkayi ku ne ruen kebpemekedsingey te hinawa dut te menge etew.

Juan 10:19

Guna su nerineg dut te menge Hudiyanen ini se impenurù ni Hisus ne warà dan meseveka.

Juan 7:12

Duen merakel ne ebpevutbutehey mekeatag kandin ketà te menge etew ne nevurun. Ruen egkahi te, “Si Hisus ne meupiya ne etew.” Ne ruen ruma pà ne egkahi te, “Kenà, su ibpesuwey rin ke menge etew.”

Juan 9:16

Nerineg dà dut te menge Peresiyu ne ruen migkahi te, “Ini se etew ne mibawì keykew ne kenà ebpuun te Eleteala su kenà edtanud sikandin dut te Hewii ne Id-imeley.” Ne ruen ruma pà ne migkahi te, “Engkey, duen belisalà ne etew ne ebpekevaal te menge ulaula ne mekegeyip?” Ketà ne kenà dan en ebpemegayun.

Nenged-ulaula 14:4

Ne nevaad ke menge etew kayi te inged ne Ikunya su ruen midtampil te menge Hudiyanen wey ruen dema midtampil enki Pablo.