Juan 7:41 - Ke meupiya ne tudtul mekeatag ki Hisu Kristu

⁴¹ Ne ruen duma ne migkahi te, “Sikandin en iya ke Impasad te Eleteala ne Ebperetuen din.” Ugaid ne ruen ruma pà ne migkahi te, “Kenà, su kenà diyà ebpuun te lusud te inged ne Geliliya ke Ebperetuen te Eleteala.

Juan 7:41 ပူးပေါင်းရင်းမြစ်များ

Juan 1:41

Arà dà ne mid-awà en sikandin se ebpemengà ki Simon ke suled din. Nekita rin dà ne migkahi te, “Netuen dey en ke ed-ingaranan te Mesiyas.” (Seveka ne ngaran ini ni Hisu Kristu, ke Impasad te Eleteala ne Ebperetuen din.)

Juan 1:46

Ne rutun ne migkahi en si Natanael te, “Maa, ruen bes etew ne riyà ebpuun te Neserit ne ruen egkegaga rin?” Midtavak si Pilipi te, “Iyan tumù se pengkayi ka su intengi nu.”

Juan 1:49

“Meyterù,” ke si Natanael, “sikuna ves iya ke Anak te Eleteala! Sikuna en iya ke Edatù keytew ne menge kevuwaran ni Israyil!”

Juan 4:25

Ke se meritan, “Netuenan ku te ruen ebpekeuma ne Impasad te Eleteala ne Ebperetuen din te langun ne ed-ingaranan ki Kristu ke Mesiyas. Ketà te kebpekeuma rin, ne ibpesabut din keytew ke langun.”

Juan 4:29

“Pengkayi kew su intengi niyu eyè se etew su intarem din kedì ke langun ne mid-ulaula ku. Engkey, eyè en buwa ke Impasad te Eleteala ne Edatù te langun ne ebpenerengen tew?” kahi rut te meritan.

Juan 4:42

Migkehiyan dan ke meritan te, “Mibperetiyaya key en ne kenà ma ketà dà ebpuun dut te nekahi nu kenami, ugaid ne kayi te nerineg dey en dema ke penurù din ne netuenan dey se benar en iya ne sikandin ke netendù te Eleteala ne ebpeliyu te menusiyà.”

Juan 6:69

Ne mibperetiyaya key en keykew su netuenan dey se sikuna ke Berekat ne midsuhù te Eleteala ne ebpekemalen.”

Juan 7:27

Ugaid ne ini se kebpekeuma rut te Impasad te Eleteala ne Ebperetuen din, ne warà kun egketau ke endei ebpuun sikandin, ugaid ne ini ne netuenan tew red ke mibpuunan din.”

Juan 7:31

Merakel se mibperetiyaya te sikandin en ke nekahi ne Ebperetuen ne Impasad te Eleteala, ke sikandan te, “Ini en iya ke egkepenareng tew ne Edatù su warà en ebpekelawan dut te menge mekegeyip ne ed-ul-ulaan din.”

Juan 7:52

“Meambe,” ke se menge ruma rin, “ebpeninindeg ka kandin su riyà ka rema ebpuun te inged ne Geliliya? Besaa nu ke impesurat ne Lalag te Eleteala ne ketà nu egketueni te warà ebpelambas te Lalag te Eleteala ne egemew riyà te lusud te inged ne Geliliya.”