Juan 7:36 - Ke meupiya ne tudtul mekeatag ki Hisu Kristu

³⁶ Su meambe,” ke se menge egkeunutan te Hudiyanen, “ke nekahi rin se, ‘Ebpemengà kew kedì, ugaid ne kenà a niyu egketuen.’ Ne nekahi rin pà se, ‘Kenà kew ebpekependiyà te ebpesineruwan ku.’ Engkey ve buwa se meana rut te nekahi rin?”

Juan 7:36 ပူးပေါင်းရင်းမြစ်များ

Juan 12:34

Migkahi ke merakel ne etew te, “Iyan tew nesebutan kayi te impesurat ne Lalag te Eleteala ne kenà ebpatey ke Impasad te Eleteala ne Ebperetuen din. Ne meambe maa ke migkahi ka te sikuna ke Impeanak te Menusiyà ne idtunggul ka riyà te pinebelavag ne kayu? Embiya iring ketà, ne engkey ma ini se Impeanak te Menusiyà?”

Juan 13:33

“Sikiyu se edumdumaan ku,” ke si Hisus, “ne iring te menge anak ku, ne kenè en meuhet ne warà ad kayi te keniyu. Ketà ne ebpemengà kew kedì, ne ini se egkehiyen ku keniyu guntaani ne iring dut te intarem ku rut te menge Hudiyanen te, ‘Kenà kew ebpekependiyà te ebpesineruwan ku.’

Juan 3:4

Migkahi si Nikudimu te, “Menu ve ke lukes en ne etew te ebpesaup ebpeanak? Engkey, edlived pà maa sikandin dut te hetek te iney rin su apey igkesaup igkeanak sikandin?”

Juan 3:9

“Egkememenu ve ini?” ke si Nikudimu.

Juan 6:41

Arà be ne neepes ke menge egkeunutan te Hudiyanen dut te nelalag ni Hisus te, “Siaken ke egkeenen ne riyà ebpuun te langit.”

Juan 6:52

Guna su nerineg dut te menge egkeunutan te Hudiyanen ke migkahi ni Hisus ne nekedlewanà dan te, “Ebmemenuwen din te ebehey ke lawa rin keytew te ebpekaan?”

Juan 6:60

Merakel dut te menge etew ne eduma kandin se nekerineg kayi te impenurù din ne migkahi ran te, “Merehen ne egkerumaan ini se impenurù din. Engkey rà buwa iya se ebpemineg kayi?”

Juan 7:34

Ne ebpemengà kew kedì, ugaid ne kenà a niyu egketuen su kenà kew ma ebpekependiyà te ebpesineruwan ku.”

Juan 8:21

Ne migkahi pà maa si Hisus diyà te menge egkeunutan te Hudiyanen te, “Ed-ewaan ku en sikiyu ne ebpemengà kew kediey su apey kew ebpekepeliyu, ugaid ne kenà e ma nikiyu egketuen ne ebpematey kew red keniyan te salà niyu ne kenà egkepesahad. Su kenà kew ebpekependiyà te ebpesineruwan ku.”

1 Kurintu 2:14

Ugaid ne ke menge etew ne kenà ebperetiyaya ne warà pà metehui te Kedesenan ne Ebpetuntul te Menusiyà, ne kenà dan ebpeketelimà dut te ibehey te Kedesenan ne Ebpetuntul te Menusiyà. Ne kenà dan ma egkesebutan su iyan dan pegitungan ne warà pantag din. Uya, kenà dan ebpekesabut ketà su warà pà meketahù diyà te hinawa ran ke Kedesenan ne Ebpetuntul te Menusiyà ne edtavang kandan su apey ran egkesebuti.