Juan 7:23 - Ke meupiya ne tudtul mekeatag ki Hisu Kristu

²³ Ne embiya egkepakey ne ed-etusan se meama te Hewii ne Id-imeley su apey egketuman ke penduan ni Moises, ne meambe ke egkeepes kew kedì ketà te neulian ku te kinebawì ku arà se meama ne ederaru dut te Hewii ne Id-imeley?

Juan 7:23 ပူးပေါင်းရင်းမြစ်များ

Mateo 12:10

Ne ruen ketà senge etew ne meama ne nekeyengkeng se belad din. Duen dema ketà menge Peresiyu ne ebpenipat ki Hisus su ebpemengà dan te kebpekesurang din te penduan dan kayi te Hewii ne Id-imeley apey ruen id-isuhat dan kandin ne kevenar. Ne mid-insà dan ki Hisus te, “Kayi te penduan tew menu, idtuhut be kenitew se ebpemawì te Hewii ne Id-imeley?”

Mateo 12:2

Nekita rà ini dut te menge Peresiyu ne migkehiyan dan en si Hisus te, “Tengtengi nu ma ayan se menge edumdumaan nu su nekesurang en ayan se ed-ul-ulaan dan dut te Penduan tew ne egkahi te warà egelevek te Andew te Id-imeley.”

Mateo 12:5

Nevasa niyu red ura kayi te Penduan tew ne impesurat ki Moises ne egelevek ded ke menge terebpelengesa riyà te Nekebpuru ne Valey te Eleteala ketà te Hewii ne Id-imeley misan ebpekesurang dut te Penduan tew te arà ne hewii, ugaid ne warà mekedsalà.

Juan 5:10

Guna su nekita rut te menge egkeunutan te Hudiyanen ke mibawian ni Hisus ne migkahi ran te, “Meambe ke ebava ka te ikam nu gunteani? Maa kenà ka edtanud te ini ke Hewii ne Id-imeley ne ebpekerimpas ka dut te penduan tew ke ed-ewit ka te ikam nu?”

Juan 7:21

Ne migkahi si Hisus te, “Duen seveka ne mid-ulaula ku ne mekegeyip ne langun niyu ne nengeselekawan su ketà te Hewii ne Id-imeley.

Juan 9:16

Nerineg dà dut te menge Peresiyu ne ruen migkahi te, “Ini se etew ne mibawì keykew ne kenà ebpuun te Eleteala su kenà edtanud sikandin dut te Hewii ne Id-imeley.” Ne ruen ruma pà ne migkahi te, “Engkey, duen belisalà ne etew ne ebpekevaal te menge ulaula ne mekegeyip?” Ketà ne kenà dan en ebpemegayun.