Juan 6:60 - Ke meupiya ne tudtul mekeatag ki Hisu Kristu

⁶⁰ Merakel dut te menge etew ne eduma kandin se nekerineg kayi te impenurù din ne migkahi ran te, “Merehen ne egkerumaan ini se impenurù din. Engkey rà buwa iya se ebpemineg kayi?”

Juan 6:60 ပူးပေါင်းရင်းမြစ်များ

Mateo 11:6

“Ne peketueni niyu kandin te dayirayi nevenar ke etew ne kenà eduwaruwa kediey.”

Juan 2:2

Ne ketà dema si Hisus wey ke edumdumaan din su neinggat dan te edtelavuk ketà te kewingan.

Juan 5:25

Sebenarvenar ini se egkehiyen ku, misan ke menge etew ne iring te minatey en su sabap dut te salà dan ne neuma en ke hewii ne egkerineg dan ke lalag ku, ke Anak te Eleteala, ne arà se ebpemineg ne egkevehayan te behu ne umur.

Juan 6:52

Guna su nerineg dut te menge egkeunutan te Hudiyanen ke migkahi ni Hisus ne nekedlewanà dan te, “Ebmemenuwen din te ebehey ke lawa rin keytew te ebpekaan?”

Juan 6:64

Ugaid ne ruen ruma niyu ne warà mebperetiyaya kediey.” (Migkahi ini ni Hisus su netuenan din en neraan ke engkey se warà mebperetiyaya kandin wey ke ed-ulug kandin diyà te kunterà din.)

Juan 6:66

Arà dà iya ne merakel en dut te menge etew ne eduma kandin se mibpekidsuwey en, ne kenà dan en eduma kandin.

Juan 7:3

Tembù be migkehiyan si Hisus dut te menge ari rin te, “Iyan tumù ne awà ka kayi ne telavuk ka te kevurunan diyà te inged ne Hudiya su apey mekekita ke menge etew ne eduma keykew te mekegeyip ne ed-ul-ulaan nu.

Juan 8:31

Ne migkehiyan ni Hisus ke menge Hudiyanen ne mibperetiyaya en kandin te, “Embiya ibperayun niyu ke keduma niyu rut te menge penurù ku keniyu ne benar kew en ne edumdumaan ku.

Juan 8:43

Meambe ke kenà niyu egkesebutan ke egkehiyen ku? Iyan iya se kenà kew egkiyug ne eduma te ibpenurù ku.

Hibruhanen 5:11

Ne ruen pà maa dekelà ne ibpesabut ku perem keniyu mekeatag te kinedterebpelengesa ni Milkisidik wey si Hisus, ugaid ne iyan din kerehenan te kedseysey ku su merehen kew ne ebpekesabut.

2 Pedro 3:16

Diyà te langun ne surat din ne impenudtul din mekeatag te ini se hewii te kedlived ni Hisu Kristu kayi. Duen dema impenurù din diyà te menge surat din ne merehen ne egkesebutan, tembù be ke menge etew ne warà netuenan dan dut te benar ne penurù wey ke menge etew ne melemu ne eduma dut te kenà benar su mibèbeelan dà ne ebpekesuwey ran dut te meana rin. Ne kenà arà dà se insurat ni Pablo ne midsuwey ran dut te meana rin su iring ded se mid-ulaula ran dut te ruma ne impesurat ne Lalag te Eleteala. Tembù be edusaan dan te Eleteala kayi te mid-ulaula ran.