Juan 6:54 - Ke meupiya ne tudtul mekeatag ki Hisu Kristu

⁵⁴ Su ke etew ne egkaan te lawa ku wey ed-inum te lengesa ku ne egkevehayan te umur ne warà edtemanan din, ne ebenawen ku sikandin ketà te hewii ne kebpupusa te dunya.

Juan 6:54 ပူးပေါင်းရင်းမြစ်များ

Juan 4:14

Ugaid ke etew ne ed-inum te wayig ne ibehey ku kandin, ne kenà en edsaup ebpekeinum. Su ini se wayig ne ibehey ku kandin ne iring te sebseb ne edtevur diyà te lusud te hinawa rin su puunan te kegkeuyag din, ne ebehey te umur ne warà edtamanan din.”

Juan 6:27

Kenà niyu iyan pegelepi ke egkeenen kayi te ampew te dunya su edsahad dà. Ugaid,” ke si Hisus, “ne iyan benar ne pegelepi niyu ke egkeenen ne ebpekevehey te umur ne warà edtemanan din. Ini se egkeenen ne siaken ke Impeanak te Menusiyà ke ebehey keniyu, su ruen gehem ku ne imbehey kedì te Amey ku ne Eleteala.”

Juan 6:47

Sebenarvenar ini se egkehiyen ku ne ke etew ne mibperetiyaya kediey ne egkevehayan te umur ne warà edtemanen din.

Juan 6:55

Su ini se lawa ku ke tidtu ne egkeenen, ne ini se lengesa ku ke tidtu ne ed-inumen ne ebpekevehey te umur ne warà edtemanan din.

Juan 6:63

Iyan dà ebpekevehey te umur ne warà edtemanan din ne ke Kedesenan ne Ebpetuntul te Menusiyà, su warà egkegaga te etew rà dè duen. Ini se migkahi ku keniyu ne riyà ebpuun te Kedesenan ne Ebpetuntul te Menusiyà ne ebpekevehey te umur ne warà edtemanan din.

Gelasiya 2:20

Ne sabap dut te kinesarig kud ki Hisus ne iring te nekeamung ad te kinepatey rin diyà te pinebelavag ne kayu. Su ingenat ketà ne kenà ke kiyug ku se edwayàwayà kedì, ugaid ne ke kiyug ni Hisu Kristu su sikandin se ed-ubpà kayi te hinawa ku. Ne taman te kayi e pad ed-ubpà te ampew te dunya ne idtepeney ku ke umur ku te edtuman dut te kiyug ni Hisus ke Anak te Eleteala ne egkelimù kedì ne midselidig kedì te kebpatey.