Juan 6:44 - Ke meupiya ne tudtul mekeatag ki Hisu Kristu

⁴⁴ Su warà senge etew rà ne eduma kediey ke kenà ke Amey ku ne Eleteala ke midsuhù kedì se ebpenehana te hinawa rin te ebperetiyaya, ne ebenawen ku sikandin dutun te akir din ne hewii te kegkukum.

Juan 6:44 ပူးပေါင်းရင်းမြစ်များ

Mateo 12:34

Engketà ded dema te sikiyu. Iring kew te menge uled ne ebpekekaid, ne warà meupiya ne egkekahi niyu geina te memeraatey ini se netahù te hinawa niyu. Su piya engkey se intahù te etew te hinawa rin, ne ini se egemew te bèbà din.

Mateo 16:17

“Mibpenaub ka, Simon ne anak ni Juan!” ke si Hisus. “Su benar ini se migkahi nu, ugaid ne kenà etew se mibpayag kayi te kenikew su ke Amey ku riyà te langit.

Juan 12:32

Ne siak, embiya idtunggul ad diyà te pinebelavag ne kayu ne ebpuyuken ku ke langun ne menge etew te ebpengkayi te kedì.”

Juan 5:44

Memenu ma se kebperetiyaya niyu embiya iyan niyu rà ebpemengaan se kegkereyù keniyu te menge ruma niyu, ugaid ne warà niyu pemengaa ke ralan te kegkereyù ne riyà ebpuun te budtung ne Eleteala?

Juan 6:43

Midtavak si Hisus te, “Engked kew en te ebpemivig.

Juan 6:45

Duen impesurat te menge etew ne mibpelembas te Lalag te Eleteala rengan ne egkahi te, ‘Langun ne menge etew ne ebpesebuten te Eleteala,’” ke si Hisus, “ne langun ne ebpemineg te ibpesabut kandin dut te Amey ku ne Eleteala ne eduma kedì.

Juan 6:65

Ne midsaup maa sikandin migkahi te, “Tembù be migkahi ku keniyu te warà senge etew rà ne ebpekeruma kediey embiya kenà egkepenehana ke hinawa rin dut te Amey ku ne Eleteala.”

Juan 8:43

Meambe ke kenà niyu egkesebutan ke egkehiyen ku? Iyan iya se kenà kew egkiyug ne eduma te ibpenurù ku.

Pilipus 1:29

Su mibehayan kew en te Eleteala te ralan te kebperetiyaya ki Hisu Kristu su apey sikandin se egkereyù. Ugaid ne kenà arà dà se ralan te kebperetiyaya se imbehey rin, su mibehayan kew rema nikandin te ralan te kebpekid-unung te keresayan din su apey sikandin se egkereyù.

Kulasi 2:12

Su ketà te kinepebunyag tew ne iring te nekeruma kiyu ki Hisus te minatey wey inleveng. Ne ketà maa se kinehemew tew en kayi te wayig ne iring maan arà te nekeruma kiyu ki Hisus te neuyag te behu ne umur su sabap dut te kedsarig tew te gehem te Eleteala ne iyan mibanew ki Hisu Kristu dut te minatey.