Juan 6:41 - Ke meupiya ne tudtul mekeatag ki Hisu Kristu

⁴¹ Arà be ne neepes ke menge egkeunutan te Hudiyanen dut te nelalag ni Hisus te, “Siaken ke egkeenen ne riyà ebpuun te langit.”

Juan 6:41 ပူးပေါင်းရင်းမြစ်များ

Lucas 15:2

Nekita ini rut te menge Peresiyu wey menge meyterù te penduan ne mibpemivig dan se egkahi te, “Si Hisus ini ne ebpemekiduma kayi te menge etew ne mekesesalà ne ebpekidtuhen pà dema kandan.”

Lucas 19:7

Nerineg kayi te merakel ne etew ini se migkahi ni Hisus ki Sekiyu ne mibpemeviyig dan se egkahi te, “Meambe ke miduma si Hisus diyà te valey te etew ne mekesesalà?”

Lucas 5:30

Guna su nekita rut te menge Peresiyu wey ruma ne menge sakup dan ne menge meyterù te penduan ne dutun te uvey te valey ne nevurunan te ini se menge etew ne ebpemeked-erungut ki Hisus ne netegtehaad ne mibpendiyà dan te menge edumdumaan ni Hisus se ebpemivig te, “Meambe ke edseveka kew se egkaan kayi te menge etew ne ebpevayad te buwis wey ini se menge etew ne mekesesalà?”

Juan 1:19

Duen menge etew ne mibpendiyà te ki Juan su riyà sikandin te ripag te wayig ne Hurdan se ebpembunyag te menge etew. Ini se nekeuma ne menge terebpelengesa wey menge inenakan ni Levi su midsuhù dan dut te egkeunutan te menge Hudiyanen te ebpeinsaan dan si Juan te, “Entei ka?”

Juan 6:33

Su ke egkeenen ne ibehey te Eleteala, ne sikandin arà se mibpengkayi te ampew te dunya su ebehey te menge etew te umur ne warà edtemanen din.”

Juan 6:43

Midtavak si Hisus te, “Engked kew en te ebpemivig.

Juan 6:48

Su siaken arà ke egkeenen ne ebpekevehey te umur ne warà edtemanan din,” ke si Hisus.

Juan 6:58

Ini ve ke egkeenen ne riyà ebpuun te langit, ne kenà ini iring dut te egkeenen ne ed-ingaranan te mana ne nekaan dut te keep-epuan niyu su mibpematey ran. Su ke etew ne egkaan kayi te egkehiyen ku ne egkeenen ne egkeuyag sabap kedì.”

Juan 6:60

Merakel dut te menge etew ne eduma kandin se nekerineg kayi te impenurù din ne migkahi ran te, “Merehen ne egkerumaan ini se impenurù din. Engkey rà buwa iya se ebpemineg kayi?”

Juan 6:66

Arà dà iya ne merakel en dut te menge etew ne eduma kandin se mibpekidsuwey en, ne kenà dan en eduma kandin.

Juan 7:12

Duen merakel ne ebpevutbutehey mekeatag kandin ketà te menge etew ne nevurun. Ruen egkahi te, “Si Hisus ne meupiya ne etew.” Ne ruen ruma pà ne egkahi te, “Kenà, su ibpesuwey rin ke menge etew.”

1 Kurintu 10:10

Ne duen pà lavew ruma, ne kenà ki ebpemivig mekeatag te ed-ul-ulaan te Eleteala. Su arà ke mid-ulaula rut te ruma ne menge apù tew rengan ne mibpeveyaan dan te Eleteala te suluhuen din te ed-imatey kandan.

Hudas 1:16

Ini se menge etew ne ed-engkenà dut te benar, ne merehen egkesukul se hinawa ran wey metehel ne ebpemivig. Iyan den dà edumaan ke meraat ne kiyug te lawa ran. Sahad se kepereyù dan, ne metau ran ne edlana te hinawa te ruma ran su dalan ini te kedsikep dan.