Juan 6:4 - Ke meupiya ne tudtul mekeatag ki Hisu Kristu

⁴ Su ketà ne hewii ne edanirani en ke hewii ne edtenuran te menge Hudiyanen ne ed-ingaranan te Pista te Kedsehari te Suluhuen.

Juan 6:4 ပူးပေါင်းရင်းမြစ်များ

Juan 11:55

Ne ebpelundani en ke kevurunan te menge Hudiyanen ne ed-ingaranan te Pista te Kedsehari te Suluhuen. Ne merakel en ne menge etew ne ebpuun te ebalàbalà ne menge inged se ebpenekereg dan diyà te Hirusalim su edtumanen dan ke betasan te menge Hudiyanen mekeatag te kebpenlùlù su apey ran ebpekeamung dut te kevurunan.

Juan 12:1

Enem pà ne hewii ne egkeuma ke kevurunan ne ed-ingaranan te Pista te Kedsehari te Suluhuen ne mibpendiyà si Hisus te inged ne Bitanya, ke inged ni Lasaru ke mibanew rin.

Juan 13:1

Senge hewii pà ne egketuman ke kevurunan te menge Hudiyanen ne ed-ingaranan te Pista te Kedsehari te Suluhuen. Netuenan ni Hisus se neuma en ke hewii ne ked-awà din kayi te ampew te dunya su ed-ulì en diyà te Amey rin ne Eleteala. Dekdekelà ke limù din dut te langun ne menge etew kayi te ampew te dunya ne midtelimà kandin, ugaid ne guntaani ne impekita rin kandan ke rimahas te limù din kandan.

Juan 2:13

Ne rutun ne mehaan en ne egkeuma ke hewii te kegkevurun te menge Hudiyanen diyà te Hirusalim te kedtumana ran dut te Pista te Kedsehari te Suluhuen te Eleteala, ne arà be ne mibpendiyà si Hisus diyà te Hirusalim.

Juan 5:1

Ne warà dà utew meuhet maa ketà ne mibpendiyà si Hisus te Hirusalim su ruen pista te menge Hudiyanen.