Juan 6:35 - Ke meupiya ne tudtul mekeatag ki Hisu Kristu

³⁵ Ne migkahi si Hisus te, “Siaken arà se egkeenen ne ebehey te umur ne warà edtemanan din. Ke etew ne eduma kedì su ebperetiyaya ne iring te etew ne kenà en egkevitil. Uya, ke etew ne edsarig kedì ne iring te etew ne kenà en ebpekeinum.

Juan 6:35 ပူးပေါင်းရင်းမြစ်များ

Mateo 11:28

“Pengkayi kew te kediey,” ke si Hisus, “langun niyu ne nengeluhat wey nengevehatan, su ebpeimelayen ku sikiyu.

Lucas 6:25

Mekeruanduan kew ne ebpengevulung guntaan, su ruen timpu ne egkevitil kew keuremà. Mekeruanduan kew ne nengehalew guntaan, su ruen timpu ne egkemutu kew wey ebpekesinehew kew keuremà.

Juan 4:15

“Mama,” ke se meritan, “peinuma e ves nikuna keniyan te wayig su apey kenà ad edsaup ebpekeinum, ne kenà ad ebpekepengkayi se edsekeru.”

Juan 5:40

Ugaid ne kenà kew egkiyug ne ebpengkayi te kedì su apey kew perem ebpekehaked te umur ne warà edtamanan din.

Juan 6:37

Ke langun ne menge etew ne ibehey kedì te Eleteala ne sikandan ke eduma kedì, ne langun ne eduma kedì ne warà senge etew rà kandan ne kenà ku edtelimaan.

Juan 6:41

Arà be ne neepes ke menge egkeunutan te Hudiyanen dut te nelalag ni Hisus te, “Siaken ke egkeenen ne riyà ebpuun te langit.”

Juan 6:65

Ne midsaup maa sikandin migkahi te, “Tembù be migkahi ku keniyu te warà senge etew rà ne ebpekeruma kediey embiya kenà egkepenehana ke hinawa rin dut te Amey ku ne Eleteala.”

Imperayag 22:17

Ketà ne ke Kedesenan ne Ebpetuntul te Menusiyà wey ke menge etew ne mibperetiyaya ne in-upama rut te ed-esawaan te Nati te Bilibili ne ed-umew ran se egkahi te, “Kayi kew en su apey kew ebpekeamung.” Iring ded dema ke langun ne nekerineg kayi ne iyan iya se med-umew ran dema se egkahi te, “Kayi kew en.” Langun niyu ne ed-umew ran keniyu su apey piya engkey keniyu ne ebpekeinum ne egkiyug ne ed-inum kayi te wayig ne mebpengkayi su ibehey ini dè duen, ne ebehey te umur ne warà edtemanan din.

Imperayag 7:16

Ne kenà dan en egkevitil, ne kenà dan en ebpekeinum. Kenà dan en egkepesangan dut te meinit me andew etawa piya engkey ne meinit.