Juan 5:40 - Ke meupiya ne tudtul mekeatag ki Hisu Kristu

⁴⁰ Ugaid ne kenà kew egkiyug ne ebpengkayi te kedì su apey kew perem ebpekehaked te umur ne warà edtamanan din.

Juan 5:40 ပူးပေါင်းရင်းမြစ်များ

Mateo 22:3

Ne midsuhù din ke menge edsugsuhuen din diyà te menge etew ne mid-inggat din te ebpesabut kandan te ibpetelavuk dan te kevurunan. Ugaid ne warà dan sehipaa ke menge edsugsuhuen.

Mateo 23:37

“Ey, igkerurunù ku sikiyu ne menge mehinged te Hirusalim! Su sikiyu ke mibpengimatey te menge etew ne mibpelambas te Lalag te Eleteala, wey mibpenrumbag niyu te batu ke menge etew ne midsuhù te Eleteala keniyan te keniyu! Kenà kepipira ku rà perem eburuna sikiyu su edtugenuren ku sikiyu ebpekeiring te upa ne edlekup te anak din, ugaid ne kenà kew ebpelekup kediey!

Juan 1:11

Nekeuma sikandin kayi te inged din, ne misan ke kereremigey rin ne Hudiyanen ne warà midtelimà kandin.

Juan 10:10

Ke tekawen ne iyan din kedlusud dut te tudilan su ebpenakew, ed-imatey wey ederaat. Ugaid,” ke si Hisus, “ne iyan ku kinepengkayi su apey ku igkepeliyu ke menge etew ne ebpeketelimà dan te penaub te Eleteala igenat guntaani abpeg dut te umur ne warà edtamanan din.

Juan 3:19

Iyan kedusa te Eleteala te menge etew su nekeuma en kayi te ampew te dunya si Hisus ke ed-ingaranan te Kerayag su ebpekerayag dut te itungan te langun ne menusiyà, ugaid ne iyan dan midtumù ke kerusireman tumin dè be dut te rayag su meraat ke ulaula ran.

Juan 5:39

Mibpengedian niyu ke lalag te Eleteala ne impesurat dengan su iyan niyu kunaan ke ketà kew ebpekehaked te umur ne warà edtemanan din. Ne langun ne impesurat ketà ne edlalag mekeatag kedì.

Juan 5:41

“Kenà iyan ku ebpemengaan se kegkereyù kedì te menge etew.

Juan 5:44

Memenu ma se kebperetiyaya niyu embiya iyan niyu rà ebpemengaan se kegkereyù keniyu te menge ruma niyu, ugaid ne warà niyu pemengaa ke ralan te kegkereyù ne riyà ebpuun te budtung ne Eleteala?

Juan 6:27

Kenà niyu iyan pegelepi ke egkeenen kayi te ampew te dunya su edsahad dà. Ugaid,” ke si Hisus, “ne iyan benar ne pegelepi niyu ke egkeenen ne ebpekevehey te umur ne warà edtemanan din. Ini se egkeenen ne siaken ke Impeanak te Menusiyà ke ebehey keniyu, su ruen gehem ku ne imbehey kedì te Amey ku ne Eleteala.”

Juan 6:37

Ke langun ne menge etew ne ibehey kedì te Eleteala ne sikandan ke eduma kedì, ne langun ne eduma kedì ne warà senge etew rà kandan ne kenà ku edtelimaan.

Juan 6:40

“Su ini ve ke kiyug te Amey ku ne Eleteala te langun ne nekesabut te siaken ke Anak din ne ebperetiyaya ran kedì ne ebpeketelimà dan te umur ne warà edtemanan din, ne siaken se ebanhew kandan ketà te ketepusan ne hewii te kegkukum.”

Ruma 6:23

Su iyan bayad te kebpekedsalà ne kemetayen ne warà edtemanan din, ugaid ne iyan ibehey te Eleteala rut te menge etew ne mibperetiyaya ki Hisu Kristu ke Kerenan tew ne umur ne warà edtemanan su sabap dut te pengelimuan din ne imbehey rin dà dè duen.

Imperayag 22:17

Ketà ne ke Kedesenan ne Ebpetuntul te Menusiyà wey ke menge etew ne mibperetiyaya ne in-upama rut te ed-esawaan te Nati te Bilibili ne ed-umew ran se egkahi te, “Kayi kew en su apey kew ebpekeamung.” Iring ded dema ke langun ne nekerineg kayi ne iyan iya se med-umew ran dema se egkahi te, “Kayi kew en.” Langun niyu ne ed-umew ran keniyu su apey piya engkey keniyu ne ebpekeinum ne egkiyug ne ed-inum kayi te wayig ne mebpengkayi su ibehey ini dè duen, ne ebehey te umur ne warà edtemanan din.