Juan 5:34 - Ke meupiya ne tudtul mekeatag ki Hisu Kristu

³⁴ Kenà a ebpegungeyà te etew rà se edtitihus kediey, ugaid ne ebpetenuran ku keniyu ke kedtitihus ni Juan su apey kew ebpekeperetiyaya wey egkepeliyu dut te keberedusaan.

Juan 5:34 ပူးပေါင်းရင်းမြစ်များ

Lucas 13:34

Ne ketà ne netenuran ni Hisus ke menge ulaula rut te menge etew te Hirusalim ne migkahi sikandin te, “Ey, igkerurunù ku sikiyu ne menge mehinged te Hirusalim! Su sikiyu ke mibpengimatey te menge etew ne mibpelambas te Lalag te Eleteala, wey mibpenrumbag niyu te batu ke menge etew ne midsuhù te Eleteala keniyan te keniyu! Kenà kepipira ku rà perem eburuna sikiyu su edtugenuren ku sikiyu ebpekeiring te upa ne edlekup te anak din, ugaid ne kenà kew ebpelekup kediey!

Lucas 19:10

Su iyan din impengkayi ke Impeanak te Menusiyà te ampew te dunya su ebpemengà te langun ne menge etew ne nekesuwey ketà te tidtu ne ibayà te Eleteala su apey ran ebpekeliyu rut te keberedusaan dan te Eleteala.”

Lucas 24:47

Ne kayi te kebpatey rin wey kayi te kebanew te Eleteala kandin,” ke se impesurat ne Lalag te Eleteala, “ne kayi ve imbe ne ruen kebpesahad te Eleteala te keberedusaan dut te menge etew ne ebpedsendit ne ed-engkenà te meraat ne ulaula ran. Ini se ieneb niyu te ebpesabut diyà te langun ne menge inged kayi te ampew te dunya. Kayi niyu irudsù te Hirusalim.

Juan 20:31

Ugaid ne ini se mekegeyip ne ulaula ne ingkesurat kayi su apey kew ebpekeperetiyaya te Anak te Eleteala si Hisus, ne ebpekeperetiyaya kew rema te sikandin ke Impasad te Eleteala ne Ebperetuen, su embiya ebperetiyaya kew kandin ne ebpeketelimà kew te umur ne warà edtemanan din.

Juan 5:32

Ugaid ne ke Amey ku ne ebpeninindeg kediey ne netuenan ku te egkererihan se kebpenitihus din kediey.

Juan 5:41

“Kenà iyan ku ebpemengaan se kegkereyù kedì te menge etew.

Juan 8:54

Ne midtavak si Hisus te, “Embiya ebantug a te hinawa ku ne warà pantag din ke bentuhan ku. Ugaid ne iyan ebantug kedì ke Amey ku ne Eleteala, ke iyan egkehiyen niyu ne Eleteala niyu.

Ruma 10:1

Na menge suled ku, iyan ku perem egkesuatan ne egkepelihaun ke menge ruma ku ne Hudiyanen dut te kedusai kandan te Eleteala! Ini ve imbe ke lelayun ku ibpengeningeni te Eleteala!

Ruma 10:21

Ugaid ne ruen lalag te Eleteala ne impenudtul rengan ni Isayas mekeatag te menge Hudiyanen ne egkahi te, “Utew meresen se ulu ran wey utew ran menge suer, su misan egkelayun en se kedtawag ku kandan te ebpetelimà te limù ku ne kenà dan ebpemineg.”

Ruma 12:21

Embiya ruen duma tew ne ed-ulaula te meraat keytew, ne kenà tew edsureren, su embiya edsurer ki ne egkeewit ki riyà te meraatey. Ugaid ne iyan timbang ne idsurer tew kandin ne ibpekita tew kandin ke meupiya ne ulaula tew, su apey rin egkemuhudmuhud ne ketà ne ebpekeruma sikandin te meupiya.

Ruma 3:3

Ne benar ne ruen menge ruma rey ne Hudiyanen ne warà mebperumaruma te penduan te Eleteala. Ugaid ne kenà egketuen te wagib te kenà egkeserihan ke Eleteala te edtuman dut te impasad din dengan.

1 Kurintu 9:22

Ne embiya riyan a te menge etew ne meluvey pà se kebperetiyaya ran ki Hisus, ne kenà ku ed-ul-ulaan te iyan dan pegitungan ne salà. Iyan ku ked-ul-ulaa te iring ketà su apey ku egketevangi sikandan te ebpeiseg dut te kebperetiyaya ran. Tembù be kayi te kebpemesabut ku te Meupiya ne Tudtul dut te langun ne menge etew, ne ebpemengaan ku ke ralan te kebpeneheewit ku kandan te kebperetiyaya ki Hisus.

1 Timoteo 4:16

Urami nu ke ed-ul-ulaan nu wey ke kebpenurù nu. Su embiya edumaan nu ini se migkahi ku, ne kenà sikuna rà se ebpekeliyu rut te kedusa te salà nu su misan imbe rema ke ebpemineg keykew ne ebpekeamung.

1 Juan 5:9

Embiya ebperetiyaya ki ke kedtitihus kayi te menge etew rà duen, ne lavi pà ne ebpekeperetiyaya ki te kedtitihus te Eleteala. Ne sikandin se mibpesabut keyta te si Hisus iya ke Anak din.