Juan 5:2 - Ke meupiya ne tudtul mekeatag ki Hisu Kristu

² Diyà te Hirusalim ne ruen bengawan ne ebpevayaan te menge etew ne ebpeneheewit te menge bilibili ne ibpelengesa, ne uvey ketà te bengawan ne ruen linew ne ed-ingaranan te kinehiyan ne Hudiyanen te Bitsaida. Ruen lelima ne ed-elungan ne nekelingut kayi te kilid en te wayig.

Juan 5:2 ပူးပေါင်းရင်းမြစ်များ

Juan 19:13

Nerineg dà ini ni Pilatu ne mibpeneheewit din en si Hisus te edlihawang ne mibpinuu sikandin te ebpinuuwan din te egkukum diyà te mid-ingeranan te Saag ne Simintu. (Ne kayi te kinehiyan te Hibruhanen ne “Gebata.”)

Juan 19:17

Ne midlihawang en si Hisus se edtiang dut te pinebelavag ne kayu su ebpendiyà dan en te dapit ne ed-ingaranan te menge “Tulan te Ulu.” (Ne riyà te kinehiyan te Hibruhanen ne ed-ingaranan te “Gulguta.”)

Juan 19:20

Merakel ne menge Hudiyanen se nekevasa ketà su ini se midlensangan dan ki Hisus ne uvey red ma te inged ne Hirusalim. Ne ini se insurat ne kinehiyan te Hibruhanen, Latin ke kinehiyan te menge etew te Ruma, wey ke kinehiyan te menge Gerisiyanen.

Juan 20:16

“Maria,” ke si Hisus. Nerineg din dà arà ne midsinaru en si Maria ne migkehiyan din en te kinehiyan te Hibruhanen te, “Ew, Rebuni!” (Su riyà te kinehiyan te Hibruhanen ne iyan din meana ne “Meyterù.”)

Juan 5:3

Merakel ne menge etew ne ederaru ne ebpengirehà ketà te ed-elungan, ruen pisek, ruen pungkù, ne ruen en midtibas te ayew. (Su edtahad dan te kedsevu ketà te wayig.

Juan 7:21

Ne migkahi si Hisus te, “Duen seveka ne mid-ulaula ku ne mekegeyip ne langun niyu ne nengeselekawan su ketà te Hewii ne Id-imeley.

Nenged-ulaula 21:40

Ne midtuhut kandin ini se mepurù te menge sundaru. Mid-itindeg ketà si Pablo kayi te eheran te baher ne mid-uyew te belad din te mebpeeneng-eneng ke menge etew. Ne guna su neengked dan se mehurub, ne midlalag si Pablo kandan te kinehiyan te Hibruhanen.

Imperayag 9:11

Ruen egkeunutan dan ne mid-ewit kandan ne ke sugsuhuen dut te datù te pekaid ne si Setanas ne egkamal dut te liyang te tanà ne warà edtemanan te keralem din. Ini se ngaran din ne si Abadan dut te kinehiyan ne Hibruhanen, ne Epuliyun se ngaran din dut te kinehiyan ne Gerisiyanen (ne iyan din meana ne “Ebpenderaat”).