Juan 5:14 - Ke meupiya ne tudtul mekeatag ki Hisu Kristu

¹⁴ Warà dà meuhet ketà ne nekita en ni Hisus ini se meama riyà te lusud te Nekebpuru ne Valey te Eleteala. “Intengi nu ve,” ke si Hisus, “neulian ke en te daru nu! Na, kenà ke en be baal te salà su apey ka kenà egkerasey te tuwas pà dut te daru nu ne ebpekesuhat keykew.”

Juan 5:14 ပူးပေါင်းရင်းမြစ်များ

Mateo 12:45

Ne midlihawang pà sikandin su mid-ewit te pitu ne vusew ne tuwas pà kandin keraat, ne langun dan ne ketà dà mid-ubpà. Ne ini se egketemanan dut te etew ne muna pà se kepasang din dut te neuna. Engketà ded dema se egketemanan dut te menge meraat ne etew te guntaani en.”

Marcos 2:5

Guna su netuenan ni Hisus te rekelà ke sarig dan kandin, ne migkehiyan din en ke minatey se tevì ne lawa rin te, “Mama, nepesehad en ke menge salà nu.”

Juan 5:13

Ugaid ne warà metueni rut te meama ke enta se mibawì kandin su ruen merakel ne etew ketà te uvey te wayig ne mid-awà en si Hisus.

Juan 5:5

Ne ruen ketà meama ne nekedtetelu en nepulù wey walu ne rahun se kederaru rin.

Juan 8:11

“Warà en, Mama,” ke se meritan. “Na,” ke si Hisus te, “siak dema ne warà id-isuhat ku keykew ne kewagib. Ulì ke en be ugaid ne kenà ke en maa baal te meraat ne ulaula.”]

1 Pedro 4:3

Ustuen ketà te hewii ne mid-usar ta te iyan ta ed-ul-ulaan ne engkey se kiyug te ed-ul-ulaan te menge etew ne kenà ebperetiyaya te Eleteala. Su rengan ne ruen ed-ul-ulaan ta ne meredsik, wey ini se ulaula ne ebpatà ki te nanam. Lelayun ki ed-inum te ebpeketevereg wey ke kebpengingniyug ta. Ne ruen betasan ta ne egkevurun ki su edhubughubug wey ke kebpengarap ta te ledawan dà ne kenà tidtu ne Eleteala ne medmeraat ini diyà te etuvangan din.