Juan 5:10 - Ke meupiya ne tudtul mekeatag ki Hisu Kristu

¹⁰ Guna su nekita rut te menge egkeunutan te Hudiyanen ke mibawian ni Hisus ne migkahi ran te, “Meambe ke ebava ka te ikam nu gunteani? Maa kenà ka edtanud te ini ke Hewii ne Id-imeley ne ebpekerimpas ka dut te penduan tew ke ed-ewit ka te ikam nu?”

Juan 5:10 ပူးပေါင်းရင်းမြစ်များ

Mateo 12:10

Ne ruen ketà senge etew ne meama ne nekeyengkeng se belad din. Duen dema ketà menge Peresiyu ne ebpenipat ki Hisus su ebpemengà dan te kebpekesurang din te penduan dan kayi te Hewii ne Id-imeley apey ruen id-isuhat dan kandin ne kevenar. Ne mid-insà dan ki Hisus te, “Kayi te penduan tew menu, idtuhut be kenitew se ebpemawì te Hewii ne Id-imeley?”

Marcos 2:24

Nekita rà ini dut te menge Paresiyu ne migkehiyan dan en si Hisus te, “Tengtengi nu ma ayan se menge edumdumaan nu su nekesurang en ayan se ed-ul-ulaan dan dut te Penduan tew ne egkahi te warà egelevek te Andew te Id-imeley.”

Marcos 3:4

Ne mid-insaan din en ke menge etew ne nevurun ketà te, “Engkey ma se nekahi te penduan tew ne idtuhut ne ed-ul-ulaan tew te Hewii ne Id-imeley? Maa, edtevangan tew ke menge ruma ta etawa ebpemekeiran tew sikandan? Maa, edsumpatan tew ke umur te menge ruma ta etawa ed-imetayan tew?” ke si Hisus. Ugaid ne warà den ma medtavak.

Lucas 13:14

Ne neepes ini se egkeunutan dut te valey ne ebpengedian te Hudiyanen te penduan dan su mibawì si Hisus te Hewii ne Id-imeley. Ke sikandin te, “Enem be ne hewii ke igelevek tew. Ne lusud be kayi ne pengkayi kew se ebpemevawì, kenà te ini se Hewii ne Id-imeley.”

Lucas 23:56

Ne mid-ulì dan en ne mibpenehana ran ke meemut ne menge rawun wey periyemut su idsapu te lawa ni Hisus. Ne ketà te midrudsù ke Hewii te Id-imeley ran ne mid-imeley ran en su edtuman dan dut te insuhù te penduan dan.

Lucas 6:2

Ne ruen ketà menge Peresiyu ne migkahi te, “Meambe ke ed-ul-ulaan niyu ini se ebpekesurang te Penduan tew ne egkahi te warà egelevek te hewii ne id-imeley?”

Juan 1:19

Duen menge etew ne mibpendiyà te ki Juan su riyà sikandin te ripag te wayig ne Hurdan se ebpembunyag te menge etew. Ini se nekeuma ne menge terebpelengesa wey menge inenakan ni Levi su midsuhù dan dut te egkeunutan te menge Hudiyanen te ebpeinsaan dan si Juan te, “Entei ka?”

Juan 5:11

Midtavak ini se meama te, “Su ke etew ne nekeulì kedì ne iyan migkahi te, ‘Luluna nu ke ikam nu ne ipanew ke en.’ ”

Juan 5:15

Arà pà ne midlihawang ke meama su ebpendiyà te menge egkeunutan te menge Hudiyanen su idtarem din kandan te si Hisus bes iya ke nekevawì kandin.

Juan 5:16

Ne ketà puunan ne neepes ke menge egkeunutan te Hudiyanen ki Hisus su mibawì sikandin ketà te Hewii ne Id-imeley.

Juan 7:23

Ne embiya egkepakey ne ed-etusan se meama te Hewii ne Id-imeley su apey egketuman ke penduan ni Moises, ne meambe ke egkeepes kew kedì ketà te neulian ku te kinebawì ku arà se meama ne ederaru dut te Hewii ne Id-imeley?

Juan 9:16

Nerineg dà dut te menge Peresiyu ne ruen migkahi te, “Ini se etew ne mibawì keykew ne kenà ebpuun te Eleteala su kenà edtanud sikandin dut te Hewii ne Id-imeley.” Ne ruen ruma pà ne migkahi te, “Engkey, duen belisalà ne etew ne ebpekevaal te menge ulaula ne mekegeyip?” Ketà ne kenà dan en ebpemegayun.