Juan 4:26 - Ke meupiya ne tudtul mekeatag ki Hisu Kristu

²⁶ Ke si Hisus te, “Siaken en iya ini se ebpekidlalag keykew arà se migkahi nu ne si Kristu.”

Juan 4:26 ပူးပေါင်းရင်းမြစ်များ

Mateo 16:20

Ne mid-il-ilutan ni Hisus te egkahi kandan te kenà dan ibpenudtul te misan engkey ne etew te sikandin ke Impasad te Eleteala ne Ebperetuen te menge etew.

Mateo 20:15

Meambe, kenà ku egkeveyveyaan ke kedì ne kureta? Maa, egkeima kew su metulanged a dut te menge etew?’

Lucas 13:30

Ugaid ne ruen menge etew guntaan ne mepeembavà se hinawa ran wey ebpesuhùsuhù dan te ruma ran, ugaid ne egkeuma arà se hewii ne sikandan ke mepurù se ketengdanan din. Ne ruen menge etew guntaan ne mepurù se ketengdanen din, ugaid ne egkeuma arà se hewii ne sikandan se pinekemevavà.”

Juan 13:19

“Tembù be ebpeketuenan ku ini keniyu te warà pà med-ulaula su apey ketà te hewii te kegkeuma rin ne ebpekeperetiyaya kew te siaken iya ke intarem ku keniyu ne impasad te Eleteala.

Juan 8:24

Tembù be intarem ku en keniyu,” ke si Hisus, “te ebpematey kew red keniyan te salà niyu ne kenà egkepesahad. Uya embiya kenà kew ebperetiyaya te siaken arà ke intarem ku keniyu ne riyà ebpuun te Eleteala ne ebpematey kew red keniyan te salà niyu ne kenà egkepesehad.”

Juan 8:28

Ne geina te warà dan mesebuti ne migkahi en maa si Hisus te, “Ketà te hewii ne kedlensanga niyu ke Impeanak te Menusiyà diyà te pinebelevag ne kayu ne ketà niyu egkesebuti te siaken arà se intarem ku keniyu ne riyà ebpuun te Eleteala. Ne ketà ne egketuenan niyu rema te warà ebeelan ku te kedì dà ne hinawa, ugaid ne iyan ku rà igkahi ne endei rà ke ibpekahi kedì dut te Amey ku ne Eleteala.