Juan 3:28 - Ke meupiya ne tudtul mekeatag ki Hisu Kristu

²⁸ Ne sikiyu en iya ke menge titihus te migkahi ku te, ‘Kenà siaken si Hisu Kristu ke Impasad te Eleteala ne Edatù kayi te menge etew, ugaid ne pineuna e rà kandin su apey ku egkepenehana ke ibpevayà din.’

Juan 3:28 ပူးပေါင်းရင်းမြစ်များ

Mateo 3:3

Si Juan ini ke nekahi ni Isayas ke mibpelambas te Lalag te Eleteala rengan se egkahi te, “Duen etew riyà te tanà ne kenà egkeubpaan te menge etew ne ebpenawag dut te menge etew ne ed-uvey kandin, ke sikandin te, ‘Mehaan ebpekeuma ke Kerenan, ne ihewani niyu ke ralan, ne tidtuwa niyu ke ibayà din, ne iyan din meana ne tilaka niyu ke hinawa niyu su apey kew egkepenehana te kebpekeuma rin.’ ”

Lucas 1:76

“Ne sikew ini ne anak ku, iyan idtawag keykew ne ebpelambas te Lalag te Eleteala ne warà repeng din. Su edsuhuen ka nikandin te ibpeuna dut te Kerenan tew, su ebpeketuenan te menge etew te ebpenehana rut te kebpekeuma rin.

Juan 1:20

Ne mepeyag ini se intavak ni Juan su warà din in-eles se egkahi te, “Kenà siaken si Hisu Kristu, ke Impasad te Eleteala ne Ebperetuen din.”

Juan 1:23

Midtavak si Juan ne ke migkahi rin ne iring dut te impesurat ne Lalag te Eleteala ki Isayas ke mibpelambas te Lalag te Eleteala rengan ne migkahi sikandin te, “Siaken ke etew riyà te tanà ne kenà egkeubpaan te etew ne ebpenawag dut te menge etew ne ed-uvey kedì, ne migkahi a te, ‘Mehaan ebpekeuma ke Kerenan, ne tidtuwa niyu ke ibayà din, ne iyan din meana ne tilaka niyu ke hinawa niyu su apey kew egkepenehana te kebpekeuma rin.’ ”

Juan 1:25

mid-insà dan maa te, “Embiya kenà sikuna si Hisu Kristu, ne kenà sikuna rema si Iliyas etawa ke mibpelambas te Lalag te Eleteala, ne meambe ke ebpembunyag ka te menge etew?”

Juan 1:27

“Ebpekeuma sikandin se ebpeketundug kedì, ugaid ne misan ke telumpà din ne kenà a edait ne ed-ekar.”