Juan 21:15 - Ke meupiya ne tudtul mekeatag ki Hisu Kristu

¹⁵ Nekeipus dan se egkaan ne migkahi en si Hisus diyà te ki Simon Pedro te, “Simon, sikuna ini ke anak ni Juan, maa igkelimù a nu ve te muna pà dut te kegkelimù te ruma?” “Uya, Kerenan,” ke si Simon, “netuenan nu en se igkelimù ku sikuna.” Ne migkahi si Hisus te, “Tugenura nu ini se menge etew ku ne iring te nati te bilibili.”

Juan 21:15 ပူးပေါင်းရင်းမြစ်များ

Mateo 10:37

“Embiyà ruen etew ne iyan pà dekelà se limù din dut te amey rin wey iney rin kenà siaken, ne kenà edait sikandin ne edumdumaan ku. Iring din ded dema ke etew ne iyan pà dekelà se limù din dut te anak din kenà siaken, ne kenà edait sikandin ne edumdumaan ku.

Mateo 16:17

“Mibpenaub ka, Simon ne anak ni Juan!” ke si Hisus. “Su benar ini se migkahi nu, ugaid ne kenà etew se mibpayag kayi te kenikew su ke Amey ku riyà te langit.

Mateo 18:10

“Urami niyu,” ke si Hisus, “te kenà kew edsudì kayi te eduma kediey ne iring te vatà se kedsarig dan. Su ke menge suluhuen ne ebantey kandan ne layun diyà te etuvangan te Eleteala ne Amey ku diyà te langit. [

Mateo 26:33

Ne migkahi si Pedro te, “Misan edtehaken ka rut te langun dan, ne siaken ne kenà!”

Mateo 26:35

Ugaid ne migkahi si Pedro te, “Kenà a ebpekekahi te iring ketà te kenà ki teleduma misan ebpekeunung a keykew te ed-imetayan!” Ne langun dut te menge edumdumaan ni Hisus, ne engketà ded dema se migkahi ran.

Marcos 14:29

Ne migkahiy si Pedro te, “Misan edtehaken ka rut te langun dan, ne siaken ne kenà!”

Lucas 12:32

“Sikiyu ini se menge edumdumaan ku,” ke si Hisus, “kenà kew meandek, su misan deisek kew rà ne ke Amey niyu riyà te langit ne egkiyug ne egkeratù kew dut te menge etew ne Edetuan din.

Lucas 22:32

Ugaid ne impengeningeni ku en sikuna, Simon, su apey kenà egkeawà ke sarig nu kediey. Ibparew a nikuna, ugaid embiya ebpekeulit en ke sarig nu kediey ne behera nu ke sarig te menge ruma nu.”

Juan 1:42

Ne mibperuma din en si Simon diyà te ki Hisus. Nekeuma ran dà ne midtengtengan en ni Hisus si Simun ne migkahi en te, “Sikuna si Simon, ke anak ni Juan, ugaid ne edsembian ku ke ngaran nu ki Sipas.” (Ayan se ngaran ne Sipas ne neked-iring ded te Pedro su ke meana rin ne “Batu”.)

Juan 13:37

“Kerenan,” ke si Simon Pedro, “meambe ke kenà a ebpekeruma keykew guntaani? Kenà ku sikew ed-ewaan su ebpekid-unung a kenikew te ebpatey.”

Juan 16:27

Su igkelimù kew nevenar te Amey ku ne Eleteala geina te igkelimù a niyu sabap geina te mibperetiyaya kew te riyan a ebpuun te kandin.

Juan 21:12

Migkahi en si Hisus te, “Kuwa kew en ne ramag kew en!” Ne warà senge etew rà kandan ne neketikà ne ed-insà te, “Entei ka?” su netuenan dan en ma te si Hisus iyan ini ke Kerenan dan.

Juan 21:7

Nekita ran ini ne migkehiyan en dut te edumdumaan ni Hisus ne igkelimù din si Pedro te, “Sikandin ayan ke Kerenan tew!” Guna su nerineg ni Pedro te si Hisus bes arà ne ingkeseluub din maa ke kumbalà din (su mibpenluung ma sikandin) ne midlumbuk en sikandin diyà te wayig se ebpeebpet diyà te ki Hisus.

Juan 8:42

“Na,” ke si Hisus “embiya ke Eleteala iya maa ke amey niyu, ne igkelimù a nikiyu su diyan a mibpuun te kandin. Ne kenà kedì ne kiyug se kinepengkayi ku su sikandin ke midsuhù kedì.

Nenged-ulaula 20:28

Bentayi niyu,” ke si Pablo, “ini se ed-ul-ulaan niyu wey tugenura niyu ke langun ne menge etew ne mibperetiyaya ki Hisus ne insarig keniyu dut te Kedesenan ne Ebpetuntul te Menusiyà. Ed-iring kew te tumetuganur te menge bilbili ne edtugenuren niyu ke menge etew ne mibperetiyaya te Eleteala su sakup dan te Eleteala egenat te kebpebpatey te Anak din su sabap dut te menge salà dan.

Nenged-ulaula 20:29

Netuenan ku te embiya ed-ewaan ku en sikiyu ne ruen edlepew kayi te keniyu ne menge etew ne ederaat dan perem te kebperetiyaya niyu su iring dan te mewalew ne asu ne ebpemsuwey dut te menge bilbili.

Ruma 14:1

Na embiya ruen duma niyu ne mibperetiyaya en ki Hisu Kristu ugaid ne meluvey pà se peretiyaya rin, ne telimaa niyu sikandin te meupiya ne kenà kew pekidlawanà kandin embiya ke peretiyaya rin ne warà pà mekeiring dut te keniyu.

Ruma 15:1

Na sikitew se mevaher en se peretiyaya tew, ne iyan iya se edtulengeran tew ke menge ruma tew ne meluvey pà se peretiyaya rin. Ne kenà iyan tew rà ebpegitungen ne ke hinawa tew.

1 Kurintu 8:11

Engketà be ne kayi te mid-ulaula nu ne misan nesebutan nu te arà ne kenà salà, ne nereetan nu ke sarig te ruma nu ne meluvey se kebperetiyaya rin, ne etew red dema sikandin ne impeliyu ni Hisus dut te kinepatey rin.

Gelasiya 5:6

Su embiya egkeseveka ki ki Hisu Kristu, ne kenà ke kebpeetus ta etawa ke kenà ta kebpeetus se dalan ne ebmetidtu key riyà te etuvangan te Eleteala. Ugaid ne iyan kiyug te Eleteala ne ibpekita ta te benar se kedsarig tew ibpepevayà te kebpelimlimuey.

Ipisu 4:14

Su embiya iring kayi se egketemanan tew, ne kenà kiyu en ebpekeiring te vatà ne melemu ne ebperetiyaya te piya engkey ne penurù ne iring dut te utan te ralan ne eduma te edsungu wey ed-ulì. Su kenà kiyu ebpelimbung dut te menge etew ne metau ne edliyuk te tarù ne penurù dan.

Ipisu 6:24

Ne ebuyuen ku rema te Eleteala te menu ke peneuva kew nikandin, langun ne sikiyu ne kenà egkeawà ke limù din ki Hisu Kristu ke Kerenan tew. Arà dà taman. Pablo

Hibruhanen 13:20

Ne ke Eleteala ke mibanew ki Hisu Kristu rut te kinepatey rin, ne sikandin en ke pinekemepurù ne egkeunutan tew ne iring sikandin te tumetuganur dut te sikitew ne bilibili rin. Su ke lengesa rin ne impetudà ketà te kinepatey rin diyà te pinebelavag ne kayu ne arà ke tuus dut te behu ne pasad te Eleteala keytew, ini se pasad din ne warà kegkesembii rin taman te taman. Ne ibpengeningeni ku te Eleteala ne ebehey te melintad ne hinawa, ne ibehey rin kenitew ke langun ne ebpeketavang kenitew te kebpekeiseg te kedtumana tew te kandin ne kiyug. Ne ibpengeningeni ku red dema te sikandin se edtavang keniyu su apey kew ed-ulaula te ebpekesuhat te hinawa rin ibpepevayà dut te tavang ni Hisu Kristu keniyu. Ketà be ne edeyù kiyu ki Hisu Kristu taman te taman. Ne metuman be ini!

Hibruhanen 4:13

Su warà misan engkey en ne nelimbag te Eleteala ne ebpekeeles kandin, su langun ne mepmepayag diyà te etuvangan din. Ne ketà te kegkukum din kenitew ne egkepenudtul iya diyà te kandin ke langun ne ned-ulaula tew kayi te ampew te dunya.

1 Pedro 1:8

Ne misan warà niyu pà mekita si Hisus ne ikelimù niyu sikandin, ne ebperetiyaya kew kandin misan kenà niyu egkekita sikandin guntaani. Ne egkekita ini dut te dekelà ne kegkehalew niyu ne kenà egkerepengan wey kenà igkeupama.

1 Pedro 2:2

Su embiya iyan ta kiyug ne ed-iseg ini se peretiyaya ta, ne ed-iring ki te deisek ne batà ne layun edsusu su apey edekelà. Ne embiya iring ketà se egkiyuhan ta te ebpengadì ke Lalag te Eleteala ne ebmeilut se kebperetiyaya ta te Eleteala ne mibpeliyu keytew.

1 Pedro 2:25

Su rengan te warà ki pà mebperetiyaya ki Hisus, ne iring ki te menge bilibili ne nengetarin. Ugaid ne guntaani ne impeulì ki en diyà te Tumetuganur ne si Hisu Kristu ne iyan ebantey keytew.

1 Juan 4:19

Duen limù ta te Eleteala su sikandin ke neuna ne nelimù keyta.

1 Juan 5:1

Piya engkey ne etew ne mibperetiyaya te si Hisus ke Impasad te Eleteala ne Ebperetuen te langun, ne anak en sikandin te Eleteala. Ne piya engkey ne etew ne egkelimù dut te Amey tew ne Eleteala ne egkelimù dema ini se menge anak din.

Imperayag 2:23

Ne ed-imetayan ku rema ke menge etew ne eduma rut te impenurù din su apey egkekita te langun ne mibperetiyaya te siaken ke netau te langun ne netahù te itungan dut te menge etew wey ke egkiyuhan dan dema. Ne edusaan ku red dema ke uman seveka kandan te piya engkey se edait dut te menge ulaula ran.