Juan 21:1 - Ke meupiya ne tudtul mekeatag ki Hisu Kristu

¹ Guna su nekesahad en se pipira ne hewii ne mibpekitakita maa si Hisus dut te edumdumaan din diyà te beyvey te ranew ne ed-ingaranan te Tibiriyas. Ne iring kayi se ned-ulaula te kinepekitakita rin.

Juan 21:1 ပူးပေါင်းရင်းမြစ်များ

Mateo 26:32

Ugaid,” ke si Hisus, “ne embiya egkevanew ad, ne ed-una ad keniyu riyà te inged ne Geliliya.”

Mateo 28:16

Ne ini se sepulù wey seveka ne edumdumaan ni Hisus, ne mibpendiyà dan te Geliliya ketà te buvungan ne migkahi ni Hisus kandan.

Mateo 28:7

Ne pekehaan kew se ed-ipanew ne penudtula niyu riyà te menge edumdumaan din te nevanew en sikandin ne mid-una en sikandin keniyu riyà te Geliliya ne riyà kew ebpemekegkita. Na kenà niyu lipati ini se migkahi ku keniyu.”

Marcos 16:12

Neipus ini se kinepekita ni Hisus ki Maria Magdalena, ne mibpekita maa sikandin te nesalin ke paras din diyà dut te deruwa ne edumdumaan din gewii te ed-ipanew ran se ebpendiyà te taneb.

Marcos 16:14

Ketepusan be ne mibpekita si Hisus dut te sepulù wey seveka ne edumdumaan din gewii te egkaan dan. Midseweyan din sikandan su kurang ke sarig dan ne merehen te hinawa ran te kebperetiyaya rut te lalag te menge etew ne nekekita kandin te nevanew en.

Marcos 16:7

Na, ipanew kew en ne penudtula niyu ve riyà te menge edumdumaan din abpeg ki Pedro te, ‘Si Hisus ne ed-una en keniyu riyà te Geliliya, ne riyà niyu en egkekita sikandin su arà ke impasad din rengan keniyu.’”

Juan 21:14

Iketelu en ini te kebpekitakita ni Hisus dut te edumdumaan din te nevanew en sikandin.

Juan 6:1

Guna su neipus ini, ne midlived en si Hisus diyà te ripag te Ranew te Geliliya (ne ed-ingaranan dema te Ranew te Tibiriya).

Juan 6:23

Ne rutun te uvey te mibpekeenan kandan ne mibpeselamat si Hisus te Eleteala ne ruen midunggù ne menge avang ne riyà ebpuun te Tibiriya.

Nenged-ulaula 1:3

Guna su mid-imetayan sikandin ne nevanew en maa ne mibpekitakita sikandin dut te menge kedserihan din. Ne merakel ne tuus ne impekilala rin kandan su titihus te biviyag en sikandin. Su lusud te epat nepulù ne hewii ne kemerakel sikandin mibpekitakita kandan wey mibpengasak sikandin mekeatag dut te Kedatù te Eleteala.