Juan 20:19 - Ke meupiya ne tudtul mekeatag ki Hisu Kristu

¹⁹ Ne ketà te hewii te Akad te merukilem en ne nevurun en ke menge edumdumaan ni Hisus diyà te senge baley, ne mibpemintù dan su egkeandek dan dut te menge egkeunutan te Hudiyanen. Ne netetau ran te kayi en mekeitindeg si Hisus te teliwarà dan. Ke sikandin te, “Na, mebmelilintad ke hinawa niyu!”

Juan 20:19 ပူးပေါင်းရင်းမြစ်များ

Mateo 10:13

Ne embiya edtelimaen kew rut te etew ketà te valey, ne ke kinepenuvadtuvad niyu ne egketuman ketà te kandan. Ugaid ne embiya kenà dan edtelimà keniyu, ne ke kinepenuvadtuvad niyu ne keniyu red.

Mateo 18:20

Su embiya ruen deruwa etawa tetelu ne etew ne egkevurun su atag dut te kedsarig dan kediey, ne ketà a red dema te kandan.”

Marcos 16:14

Ketepusan be ne mibpekita si Hisus dut te sepulù wey seveka ne edumdumaan din gewii te egkaan dan. Midseweyan din sikandan su kurang ke sarig dan ne merehen te hinawa ran te kebperetiyaya rut te lalag te menge etew ne nekekita kandin te nevanew en.

Juan 14:27

Uya, misan ed-ewaan ku en sikiyu, ne edtahakan ku sikiyu te kebmelintad te hinawa niyu. Ini se kebmelintad te hinawa niyu ne ibehey ku keniyu ne kayi ebpuun te kediey. Ke menge etew kayi te ampew te dunya ne kenà ebpekevehey te kelintad ne iring kayi, ketà be ne kenà kew meuru, ne kenà kew meandek.”

Juan 16:22

Ne iring kew re be rema ketà su guntaani ne egkemutu kew, ugaid ne ebpekidbalak e red maa keniyu ne egkehalew kew nevenar, ne warà misan entei ne ebpekeawà kayi te kehelawan niyu.

Juan 16:33

“Langun kayi ne migkahi ku keniyu,” ke si Hisus, “su apey ebmelintad ke hinawa niyu te kebpekidseveka niyu kediey. Su kayi te ampew te dunya ne edresayen kew te menge etew ne ed-engkenà kediey. Ugaid ne misan iring ketà ne kenà niyu ebpilaya ke hinawa niyu, su netalew ku en ke datù te pekaid ne migkamal kayi te ampew te dunya!”

Juan 20:21

Ne migkahi en maa si Hisus te, “Na, mebmelilintad ke hinawa niyu! Ne iring dut te midsuhù a te Amey ku ne Eleteala,” ke si Hisus, “ne edsuhuen ku rema sikiyu.”

Juan 20:26

Nekedsenge pedian maa ketà ne nevurun ke menge edumdumaan ni Hisus diyà te senge valey ne rutun en dema si Tomas. Ne mibpemintù dan, ugaid ne misan iring ketà ne neketekew en maa si Hisus nekeitindeg diyà te teliwarà dan. Ke sikandin te, “Na, mebmelilintad ke hinawa niyu.”

Juan 21:1

Guna su nekesahad en se pipira ne hewii ne mibpekitakita maa si Hisus dut te edumdumaan din diyà te beyvey te ranew ne ed-ingaranan te Tibiriyas. Ne iring kayi se ned-ulaula te kinepekitakita rin.

Juan 21:14

Iketelu en ini te kebpekitakita ni Hisus dut te edumdumaan din te nevanew en sikandin.

Juan 7:13

Ne geina te egkeandek dan dut te menge egkeunutan te Hudiyanen ne kenà dan utew ibperineg te menge ruma ran ke kedlalag dan.

Nenged-ulaula 1:3

Guna su mid-imetayan sikandin ne nevanew en maa ne mibpekitakita sikandin dut te menge kedserihan din. Ne merakel ne tuus ne impekilala rin kandan su titihus te biviyag en sikandin. Su lusud te epat nepulù ne hewii ne kemerakel sikandin mibpekitakita kandan wey mibpengasak sikandin mekeatag dut te Kedatù te Eleteala.

Ruma 15:33

Iyan ku kiyug ne menu ma perem ne ke Eleteala ne ebpuunan dut te kebmelintad te hinawa tew ne ebpekiduma keniyu. Ne egketuman ini.

1 Kurintu 15:5

Impesabut ku keniyu te guna su nevanew en sikandin ne mibpekita ki Pedro, ne arà pà ne mibpekita diyà te langun ne kedserihan din.

Ipisu 2:14

Ketà be ne si Hisu Kristu ke kegkeseveka te sikami ne Hudiyanen wey sikiyu ne kenà Hudiyanen ne nevaluy ki en ne telteleduma. Uya, egkepakey en be ne sikitew ne ebpenusuled en su ketà te kinepatey ni Hisus ne in-awà din ke kebpemekedrerendingey tew.

Ipisu 6:23

Menge suled ku, iyan ku ebpengeningeniyen diyà te Eleteala ne Amey tew wey ki Hisu Kristu ne Kerenan tew ne menu ma ke ebeheran dan ke kedsarig niyu kandan su apey niyu egkeheram ke melintad ne itungan wey ke kebpelimlimuey niyu ne riyà ebpuun te kandan.

Pilipus 1:2

Iyan dey kiyug ne egkeheram niyu ke tavang wey kebmelinew te itungan niyu ne riyà ebpuun te Eleteala ne Amey tew wey si Hisu Kristu ke Kerenan tew.

2 Tiselunika 3:16

Iyan dey egkiyuhan ne ke Kerenan tew ne si Hisu Kristu se ebehey te kebmelinew te hinawa niyu piya engkey se egketemanan niyu su sikandin se ebpuunan te itungan ne melinew. Ne dumai kew rema nikandin.

Hibruhanen 7:2

Ne si Abraham ne imbehey rin ki Milkisidik ke ikesepulù ne umun dut te langun ne netavan din te kinebunuey rin. Ne iyan din meana kayi te ngaran ni Milkisidik ne “Datù te Metidtu se Ulaula Rin.” Ne geina te ratù dema sikandin te inged ne Salim, ne neingaranan ded sikandin te “Datù te Kerinew” su iyan meana te Salim ne kerinew.

3 Juan 1:14

Su ruen pegitungan ku te kenà en meuhet ne ebpendiyan e red te keniyu, ne ketà ne ebpemekebitiyara kiyu.

Imperayag 1:4

Siak si Juan ke midsurat kayi. Ini se insurat ku ne riyà te langun niyu ne menge mibperetiyaya ne diyà te pitu ne menge inged te pruvinsiya ne Asiya. Egkiyuhan ku ne ebpeneuven kew rut te Eleteala wey ke Kedesenan ne Ebpetuntul te Menusiyà wey si Hisu Kristu. Egkiyuhan ku rema ne ebmelintad ke hinawa niyu mekeatag kandan. Ini se Eleteala ne daan en sikandin te warà pà limbaha ke misan engkey en, ne kemulu pà sikandin guntaan wey sikandin ded lavew taman te taman. Ne ke Kedesenan ne Ebpetuntul te Menusiyà ne pitu se ralan te kebpekita rin dut te gehem din ne diyà ed-ubpà te etuvangan te ebpinuuwan te kedatù te Eleteala. Ne si Hisu Kristu ke egkeserihan ne titihus mekeatag te Eleteala. Sikandin ke neuna ne mibanew te Eleteala dut te kebpatey rin, ne sikandin rema ke benar ne datù ne ebayàbayà dut te langun ne ruen kebayàbayà din kayi te ampew te dunya. Dekelà ke limù din keytew, ne ketà te imbùbù din ke lengesa rin kenitew dut te kinepatey rin ne sikandin ke mibpeliyu keytew rut te kedusa te Eleteala te salà tew.