Juan 20:18 - Ke meupiya ne tudtul mekeatag ki Hisu Kristu

¹⁸ Arà dà ne mibayaan en ni Maria Megdelina ne mibpenudtulan din en ke edumdumaan ni Hisus te nekita rin si Hisus ne mibpenudtul din dema kandan ke langun ne lalag ni Hisus.

Juan 20:18 ပူးပေါင်းရင်းမြစ်များ

Mateo 27:56

Ne elin ketà si Maria Magdalina, si Maria ke iney ni Santiago ki Jose, wey ke esawa ni Sibidiyu.

Mateo 28:10

“Kenà kew meandek!” ke si Hisus. “Beyai niyu ke menge edumdumaan ku ne pependiyana niyu sikandan te Geliliya ne diyan a nikandan egkekita.”

Lucas 24:10

Ini ke menge meritan ne mibpenudtul te lalag te suluhuen: Si Maria ne riyà ebpuun te Magdala, si Juana, si Maria ne iney ni Santiago, wey ruen pà menge ruma ran. Sikandan be ini ke mibpenudtul dut te menge edumdumaan ni Hisus ne ed-ingaranan te Apustulis.

Juan 19:25

Ne uvey ketà te pinebelavag ne kayu ne mid-it-itindeg ke iney ni Hisus, elin ke ayà din ne suled te iney rin, ne si Maria ke esawa ni Kelupas wey si Maria ne ebpuun te Magdala.

Juan 20:1

Guna su mesmeselem te Akad ne mibpendiyà si Maria Megdelina te midlevengan ki Hisus te merusirem pà. Nekeuma ketà sikandin ne nekita rin te neawè en ke vatu ne inlekeb dut te gumawan te leveng.