Juan 2:23 - Ke meupiya ne tudtul mekeatag ki Hisu Kristu

²³ Gewii pà ni Hisus diyà te Hirusalim te kedtuman dan te Pista te Kedsehari te Suluhuen, ne merakel se mibperetiyaya kandin su nekita ran ke geyip ne mid-ulaula rin.

Juan 2:23 ပူးပေါင်းရင်းမြစ်များ

Lucas 8:13

Ne ke kebetuwan ne neuluhan te benì ne arà ke menge etew ne nekerineg te Lalag te Eleteala ne ingkehalew ran te ebpemineg ne mibperetiyaya ran, ugaid ne mehaan dà se kineperetiyaya ran su warà mekedalid te hinawa ran. Ne wey ran penggerami ni Setanas dut te peretiyaya ran ne midlekà dan en.

Juan 11:45

Merakel dut te menge Hudiyanen ne miduma ki Maria se nekekita rut te mid-ulaula ni Hisus ne mibperetiyaya kandin.

Juan 2:11

Ini se mid-ulaula ni Hisus diyà te inged ne Kana, lusud te inged ne Geliliya, se neuna ne mekegeyip ne mibeelan din. Impekita rin ke gehem din, ne ketà be ne nekeperetiyaya iya ke edumdumaan din kandin.

Juan 2:13

Ne rutun ne mehaan en ne egkeuma ke hewii te kegkevurun te menge Hudiyanen diyà te Hirusalim te kedtumana ran dut te Pista te Kedsehari te Suluhuen te Eleteala, ne arà be ne mibpendiyà si Hisus diyà te Hirusalim.

Juan 3:2

Senge kerukileman ne mibpendiyà sikandin te ki Hisus ne migkahi te, “Meyterù, netuenan dey se midsuhù ka te Eleteala te ebpenurù kenami, su warà etew ne ebpekevaal te mekegeyip embiya kenà duen gehem te Eleteala riyà te kandin.”

Juan 4:45

Guna su nekeuma ran diyà te inged ne Geliliya ne nengehalew ke menge etew ketà su neketelavuk dan te kevurunan diyà te Hirusalim dut te Pista te Kedsehari te Suluhuen, ne nekita ran ke langun ne mid-ulaula ni Hisus diyà.

Juan 5:36

“Ugaid ne ruen mevaher pà dut te kedtitihus ni Juan mekeatag kedì. Ini se helevek ne imbehey kedì dut te Amey ku ne Eleteala, ne ini se ebpesabut keniyu te siak ke midsuhù din kayi.

Juan 6:14

Guna su nekita rut te menge etew ke mekegeyip ne mid-ulaula ni Hisus ne migkahi ran te, “Ini en ke ebpelambas te Lalag te Eleteala ne ibpepengkayi rin te ampew te dunya.”

Juan 6:2

Ne ruen denda ne menge etew ne mid-eguyut kandin su nekita ran ke mekegeyip ne mid-ulaula rin te kebpemawì din dut te menge etew ne ebpenderaru.

Juan 7:31

Merakel se mibperetiyaya te sikandin en ke nekahi ne Ebperetuen ne Impasad te Eleteala, ke sikandan te, “Ini en iya ke egkepenareng tew ne Edatù su warà en ebpekelawan dut te menge mekegeyip ne ed-ul-ulaan din.”

Gelasiya 5:6

Su embiya egkeseveka ki ki Hisu Kristu, ne kenà ke kebpeetus ta etawa ke kenà ta kebpeetus se dalan ne ebmetidtu key riyà te etuvangan te Eleteala. Ugaid ne iyan kiyug te Eleteala ne ibpekita ta te benar se kedsarig tew ibpepevayà te kebpelimlimuey.

1 Juan 3:23

Ne iyan din insuhù kenitew ne ebperetiyaya ki rut te Anak din ne si Hisu Kristu wey ebpelimlimuey ki iring dut te insuhù dema ni Hisu Kristu keyta.